Psalm 89:48 - Edo Bible (E Baibol Ẹdo) Version 1996

⁴⁸ De ọmwa ne ọ gha sẹtin gha rrọ ne ẹ i ra wu yi? Vbe ọmwa ra ya rhie egbe ẹre lẹ ne idin hẹ?

Psalm 89:48 ပူးပေါင်းရင်းမြစ်များ

Job 30:23

I rẹnrẹn ighẹ uwu ọ re u rhie mwẹ rrie na, ẹmwẹ agbọn ne a mwamwa khẹ emwa hia.

Psalm 119:84

Vbia gha ye mudia kpee sẹ hẹ yi? De ẹghẹ ne u gha ya rria iran ni kpokpo mwẹ ikhi?

Psalm 22:29

Emwa ni tọn egbe mu hia gha ya uhunmwu rhanmwẹ otọ ne ẹẹn. Emwa ne ọ sẹtin wu hia gha ya uhunmwu rhanmwẹ otọ ne ẹẹn.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Psalm 49:15

Sokpan, Osanobua gha miẹn mwẹ fan ọ gha fan mwẹ yotọ vbe obọ ẹtin uwu.

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Asan-Ibo 8:8

Ọmwa okpa ne ọ gha sẹtin wẹ rẹn i wu, ẹ i rrọ, ra ne ọ si ẹdẹ uwu ẹre ke odaro. Okuo ne ima i sẹtin lẹ fe ọ re ọnii khin. Ero ne ọ ya ban ọmwa la i rrọ.

Asan-Ibo 9:5

Erriọ nọ, emwa ni rre agbọn rẹnrẹn ighe iran gha wulo, sokpan, iran ni wulo nẹ ma rẹn emwi rhọkpa. Iran i ghi vbe mwẹ ere ọvbehe, a mianmian iran nẹ fẹẹrẹ.

Iyẹn ne ọ Maan Ọghe Jọn 8:51

Ẹmwata I tama uwa, ọmwa ne ọ rhie ẹmwẹ mwẹ ya ru emwi, ẹ i ra wu ẹdẹ.”

Iwinna 2:27

Rhunmwuda, wẹ i ra sẹ orhiọn mwẹ rae, ye agbọn iran ni wulo nẹ. Wẹ i ra gie ọguọmwadia ne ọ ho ẹmwẹ ruẹn, ye egbe miẹn ọ kẹkẹe.

II Kọrinti 4:14

Rhunmwuda ma rẹnrẹn wẹ, Osanobua ne ọ huẹn Nọyaẹnmwa Jesu ye agbọn, gha vbe huẹn ima kpaegbe ba Jesu. Ọ ghi viọ ima kevbe uwa gha die odaro irẹn.

Hibru 11:5

Iyayi ọre ọ ma gie Inọk wu. Ne ọ gha na te wu, a keghi tọn ẹn mu bu Osanobua gha khian, ọmwa rhọkpa ma ghi vbe miẹn ọẹn, rhunmwuda, Osanobua rhie ẹre gha rrie odukhunmwu. Ebe khare wẹ, vbe a te do tọn Inọk mu, ọ ya ẹko rhiẹnrhiẹn Osanobua.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.