Psalm 89:42 - Edo Bible (E Baibol Ẹdo) Version 1996

⁴² U rhie akhọnmiotọ ne avbe eghian rẹn, u ke ya ẹko iran hia gha sẹ ọyẹnmwẹ.

Psalm 89:42 ပူးပေါင်းရင်းမြစ်များ

Psalm 13:2

Inu ẹghẹ, akhiẹ gha ye vuọn ekhọe mwẹ la, vbe avan kevbe asọn? Inu ẹghẹ ọre avbe eghian mwẹ, ra rhie obọ yan mwẹ uhunmwu la?

Psalm 80:13

Avbe aranmwẹ oha ya owẹ rri ẹe ginna otọ, avbe aranmwẹ oha vbe rri oẹ.

Psalm 80:6

U vbe gie avbe uhunmwu ẹvbo ni lẹga mwa gha khọn sinmwi otọe mwa, avbe eghian mwa rhovbiẹ mwa.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Levitikọs 26:25

I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Iyẹn ne ọ Maan Ọghe Jọn 16:20

Ne I ta ẹmwata ma uwa: Wa gha kpe orhu eve, wa ghi vbe gha viẹ, sokpan agbọn ghi gha ghọghọ, wa gha miẹn akhiẹ, sokpan a ya akhiẹ uwa khian oghọghọ.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 28:43

“Avbe erhunmwuyẹn ni rre uwa ẹvbo ghi gha hiẹn yọ ẹdẹgbegbe sokpan wa ghi gha ru ghe iyeke.

Arhie Maan 11:10

Ẹko gha rhiẹnrhiẹn emwa ne agbọn ye uwu ne iran eva na wulo. Iran ghi do ugie ẹre, iran ghi gha ya emwi ha oko gie egbe, rhunmwuda, akhasẹ eva na, oya ne iran si ye emwa ne agbọn egbe keghi bu ẹsẹse.