Psalm 89:4 - Edo Bible (E Baibol Ẹdo) Version 1996

⁴ ‘Ovbi uniẹn ruẹn ọ re ọ ra gha rri ọba khian. I gha gbe ẹbe gue uniẹn ruẹn ni rri ọba ẹdẹdẹmwẹdẹ!’ ”

Psalm 89:4 ပူးပေါင်းရင်းမြစ်များ

II Samuẹl 7:29

Banbanna nian, lahọ, fiangbe uniẹn mwẹ ne iran gha miẹn aro ne ọ maa ruẹn khian ẹdẹ. Wẹ ne Nọyaẹnmwa ne Udazi, yan ọna yotọ nẹ, te afiangbe ruẹ ra gha rre uniẹn mwẹ egbe ẹdẹdẹmwẹdẹ.”

I Ọba 9:5

I gha mu eyan nii sẹ, ne I ru ma e Devid ne erhaa vbe I tama rẹn wẹ uniẹn ivbi ẹre ọre ọ gha rriọba vbe Izrẹl ẹdẹ.

I Krọnikol 22:10

Rẹn ọ re ọ gha bọ Ọgua Osa mẹ. Rẹn ghi gha re ovbi mwẹ, mẹ ghi gha re erha ẹe. Ẹgbẹe uniẹn ọba ẹre ọ re ọ ra gha rriọba vbe Izrẹl ẹdẹdẹmwẹdẹ.’ ”

I Krọnikol 28:4

E Nọyaẹnmwa ne ọ re Osanobua Izrẹl keghi zẹ mwẹ kevbe ivbi uniẹn mwẹ ne a gha khaemwisẹ yan Izrẹl ẹdẹdẹmwẹdẹ, ọ keghi zẹ ẹwae Juda ne iran gha rhie ọkaolotu ladian rre, ọ keghi zẹ ẹgbẹe erha mwẹ vbe Juda. Ọ kevbe ye ọre ne ọ zẹ mwẹ vbe uwu ẹgbẹe ni hia ne ọ ya mwẹ rriọba Izrẹl hia.

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Psalm 132:12

A deghẹ avbe ivbi uẹ lele iyi mwẹ, kevbe avbe iyi ne I yi ne iran, ivbi iran gha vbe rri ọba lele uwẹ rhinrin ẹdẹ.”

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 89:1

E Nọyaẹnmwa, mẹ gha so ihuan aho ruẹ ne ẹ i beghe vbe ẹghẹ hia, I gha na iyẹn aguobọmwa ruẹn ẹdẹdẹmwẹdẹ.

Psalm 89:29

Uniẹn ni rri ọba ẹre gha mudia gbain zẹ vbe iso ovbi urho ẹre ọ re ọ gha rri ọba rhinrin ẹdẹ.

Psalm 89:36

Te a gha miẹn ivbi uniẹn ọnrẹn ẹdẹdẹmwẹdẹ. Mẹ gha vbe gha wan lẹga arriọba ẹre la ẹghẹ ne ovẹn gha vbe yunmwu la.

Psalm 89:50

Ghẹ mianmian vbene a rhovbiẹ mwẹ ne ọguọmwadia ruẹ hẹ vbene I ye egbe miẹn ihẹn ne iran ni ga ẹbọ tie hẹ.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Ebe ne Pọl gbẹẹn gie emwa Rom 15:12

Deba ẹre Aizaia vbe ta ẹe wẹ, “Ọmọ ọkpa gha la uniẹn Jese rre. A gha tọn ẹn mu ne ọ gha khaemwisẹ ya iran ne ẹ i re Ju.”

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”