Psalm 89:36 - Edo Bible (E Baibol Ẹdo) Version 1996

³⁶ Te a gha miẹn ivbi uniẹn ọnrẹn ẹdẹdẹmwẹdẹ. Mẹ gha vbe gha wan lẹga arriọba ẹre la ẹghẹ ne ovẹn gha vbe yunmwu la.

Psalm 89:36 ပူးပေါင်းရင်းမြစ်များ

II Samuẹl 3:9

E Nọyaẹnmwa yan ma e Devid wẹ rẹn gha mu arriọba hin obọ e Sọl kevbe uniẹn ọnrẹn hia rre, rẹn ghi ma e Devid ọba Izrẹl kevbe ọghe Juda la ehe ne otọe nii sẹe, ehe ne ọ rhanmwẹ. Banbanna nian, te Osanobua gha kinmwi mwẹ gbe ua, a deghẹ I ma ru ẹe ne ọ gele do sẹ vberriọ!”

II Samuẹl 7:16

U gha mwẹ uniẹn ruẹn khian rhinrin. I ghi vbe gie arriọba ruẹ gha rrọọ rhinrin ẹdẹ. Akhaemwisẹ arriọba ruẹ ẹ i ra fo ẹdẹ.’ ”

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 72:5

Te emwa ruẹn gha ga a la ẹghẹ ne ovẹn vbe yunmwu la, kevbe ẹghẹ ne uki vbe baa la, rhinrin yasẹ orre ni dee.

Psalm 89:29

Uniẹn ni rri ọba ẹre gha mudia gbain zẹ vbe iso ovbi urho ẹre ọ re ọ gha rri ọba rhinrin ẹdẹ.

Psalm 89:4

‘Ovbi uniẹn ruẹn ọ re ọ ra gha rri ọba khian. I gha gbe ẹbe gue uniẹn ruẹn ni rri ọba ẹdẹdẹmwẹdẹ!’ ”

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 33:20

“Mẹ gu avan kevbe asọn taa ile nẹ, vbene a gha na miẹn wẹ iran rre ye ẹghẹ iran zẹẹ, ile nii, a i sẹtin rra ẹre.

Jerimaia 33:21

Erriọ vbe nọ, I gu e Devid ne ọguọmwadia mwẹ taa ile nẹ wẹ, ẹ i mwẹ a ma miẹn ovbi uniẹn ọnrẹn ne ọ gha rriọba. Erriọ I vbe gu avbe ohẹn ta ile, iran ni re ivbi uniẹn e Livai wẹ iran ọ ra gha ga mwẹ, avbe ile na, a i sẹtin rra ẹre.

Emọs 4:2

Zẹ vbene Nọyaẹnmwa ne Udazi na re nọhuanrẹn, ọ yan nẹ wẹẹ, “Ẹdẹ dee ne a gha ya ẹghọ silo uwa ladian, dọmwadẹ ọghọe vbe uwu uwa gha ye vbe ehẹn ne ọ rre ẹghọe.

Iyẹn ne ọ Maan Ọghe Luk 1:33

Rẹn gha rriọba yan ivbi e Jekọb ẹdẹdẹmwẹdẹ, arriọba ẹre ẹ i ra mwẹ ufomwẹ.”

Iyẹn ne ọ Maan Ọghe Jọn 12:34

Emwa ni gbe ẹbu ye evba wanniẹn tama rẹn wẹẹ, “Uhi ima tae ighe te nene Mẹzaia gha rre agbọn ẹdẹdẹmwẹdẹ, vbe uwẹ a ghi na kha hẹ wẹẹ, a gha tọn Ovbi Ọmwa mu hin otọe rre? De ọmwa ne ọ re nene Ovbi Ọmwa na yi?”