Psalm 89:34 - Edo Bible (E Baibol Ẹdo) Version 1996

³⁴ Mẹ i ra so ile ne I guẹe ta gọ, ra ne I kie werriegbe vbe emwi ne I ve ẹre re.

Psalm 89:34 ပူးပေါင်းရင်းမြစ်များ

II Samuẹl 7:15

Sokpan I i ra fi iyeke gbe ẹe vbene I fi iyeke gbe Sọl ne I rhie hin evba rre, ne uwẹ miẹn ehe na do rriọba.

I Ọba 11:39

Rhunmwuda orukhọ e Solomọn, I gha rri ivbi e Devid oya, sokpan, ẹ i ra gha re rhinrin ẹdẹ.’ ”

I Krọnikol 17:13

Mẹ ghi gha re erha ẹe, rẹn ghi vbe gha re ovbi mwẹ, mẹ i ra rhie obọ hin ẹre iyeke rre vbene I ru e Sọl ne I rhie hin evba rre, ne uwẹ miẹn ehe na do rriọba.

Jerimaia 14:21

Ye eyan ruẹn rre, ne u ghẹ zan mwa, ghẹ gie efa rruan e Jerusalẹm, ehe ne ẹkete ruẹ ne ọ mwẹ uyi ye. Ghẹ mu ile ne u gu ima ta fua.

Jerimaia 33:20

“Mẹ gu avan kevbe asọn taa ile nẹ, vbene a gha na miẹn wẹ iran rre ye ẹghẹ iran zẹẹ, ile nii, a i sẹtin rra ẹre.

Levitikọs 26:44

Ọ rhe ye vberriọ, ugbẹn vbe iran a gha rre ẹvbo eghian iran, I i ra wa fi iyeke gbe iran fo, ra ne I fuẹn iran an fẹẹrẹ. Ọnii gha rhie ufomwẹ ye ile ne imẹ gu iran ta sevba mẹ ọre Nọyaẹnmwa Osanobua iran.

Malakai 3:6

Mẹ ọrọre Nọyaẹnmwa, mẹ i vbe fiwerriẹ. Rhunmwuda ọnii wa ma he wa wirua fo, wa ne ivbi uniẹn e Jekọb.

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Ebe ne Pọl gbẹẹn gie emwa Rom 11:29

Rhunmwuda Osanobua i fi ekhọe werriẹ vbekpa ọmwa ne irẹn hannọ zẹ kevbe ne ọ fiangbe.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.