Psalm 89:30 - Edo Bible (E Baibol Ẹdo) Version 1996

³⁰ “Sokpan, a deghẹ ivbi uniẹn ẹnrẹn ma ya uhi mwẹ ru emwi, ighe iran ma vbe yin zẹ vbe uhi ilele mwẹ,

Psalm 89:30 ပူးပေါင်းရင်းမြစ်များ

II Samuẹl 7:14

Mẹ gha re erha ẹe, rẹn ghi vbe gha re ovbi mwẹ. Ọ gha ba emwi ku ru, I ghi rri ọre oya zẹ vbene erha rri ovbi ẹre oya.

I Krọnikol 28:9

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.

Psalm 119:53

I gha bẹghe avbe emwa dan vbe iran rra uhi ruẹ ohu ghi gha mu mwẹ sọsọsọ.

Psalm 132:12

A deghẹ avbe ivbi uẹ lele iyi mwẹ, kevbe avbe iyi ne I yi ne iran, ivbi iran gha vbe rri ọba lele uwẹ rhinrin ẹdẹ.”

Psalm 89:5

Ẹrinmwi ya emwi ọyunnuan ne u ru so ihuan, iran ya aguobọ ọmwa ruẹn so ihuan, Nọyaẹnmwa.

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Itan 4:2

Emwi ne i ma uwa re wa maa, rhunmwuda ọnii, wa ghi ye iran hia rre.

Jerimaia 33:17

Mẹ ne Nọyaẹnmwa yanrẹn wẹ te a gha miẹn ivbi uniẹn Devid ne ọ gha rriọba rhinrin vbe Izrẹl.

Ezikiẹl 18:17

Ọ lẹ hin orukhọ ne a ru rre, ẹ i vbe rhie igho isu ne ọmwa mọmọ. Ọ rhi uhi mwẹ mwẹ, ọ keghi vbe ya iyi mwẹ ru emwi. Ẹ i ra wu ye orukhọ erha ẹe sokpan, te ọ gha rre agbọn.

Ezikiẹl 18:9

Ọmwa vberriọ ye iyi mwẹ ru emwi, ọ keghi vbe kakabọ rhie uhi mwẹ mwẹ. Ọmwata nọ, ọ gha rre agbọn.” Erriọ Nọyaẹnmwa ne Udazi khare.

Ezikiẹl 20:19

“Mẹ ọrọre Nọyaẹnmwa ne Osanobua rua. Wa gha ya uhi mwẹ kevbe iyi mwẹ ru emwi.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Diuteronomi 11:21

Ẹghẹ nii, wa kevbe avbe ivbi uwa ghi tọ vbe otọ ne Nọyaẹnmwa Osanobua uwa yan rẹn ne ọ mu ne avbe erha uwa odede, wa ghi gha rre evba, wa ghi vbe kpẹe vbọ sẹ vbene ọ gha kpẹe sẹ hẹ wẹ iso ye rre odukhunmwu otọe.