Psalm 89:25 - Edo Bible (E Baibol Ẹdo) Version 1996

²⁵ I gha rhie ba arriọba ẹre ke Meditẹrrenian kpao ya sẹ Ẹzẹ Yufretes.

Psalm 89:25 ပူးပေါင်းရင်းမြစ်များ

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

Psalm 132:17

I gha ya ọkpa vbe uwu ivbi e Devid, ma ọba nọkhua vbe emwa na, emwa na ọ re I gha na rhie ẹre mwẹ, ighe irriegie ọghe ọba ne I hannọ zẹ.

Psalm 2:8

Nọ vbe obọ mwẹ, mẹ gha viọ uhunmwu ẹvbo hia nuẹn. Otọ agbọn hia, gha vbe khian ọwuẹ.

Psalm 80:11

Ọ niẹn abọ ẹre ya sẹ Okun Meditẹrrenian, kevbe ya sẹ Ẹzẹ Yufretes.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”