Psalm 89:18 - Edo Bible (E Baibol Ẹdo) Version 1996

¹⁸ Nọyaẹnmwa, wẹ ọ re ọ zẹ ọmwa ne ọ degue mwa, wẹ, Ọmwa Ne ọ huanrẹn Izrẹl, ọ re ọ rhie ọba mwa ne ima.

Psalm 89:18 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Psalm 148:14

Ọ ye ẹvbo ẹre khian ne ọ wegbe, sẹrriọ wẹ te emwa rẹn hia rho ẹre, avbe ivbi Izrẹl, ni ghan ne ẹẹn ẹsẹse. Wa rho e Nọyaẹnmwa!

Psalm 44:4

Wẹ ọrọre ọba mwẹ kevbe Osanobua mwẹ wẹ ọ re ọ rhie akhọnmiotọ ne emwa ruẹn.

Psalm 47:9

Iran ni khaemwisẹ avbe agbọn ẹvbo si koko deba emwa Osanobua Ebraham rẹn ọ re ọ mwẹ ẹtin sẹẹ avbe ivbiyokuo hia rẹn ọkpa ọ khaemwisẹ vbe ehe ne ọ yo sẹẹ ehia.

Psalm 62:6

Rẹn okpa kẹkan ọ re ọ degue mwẹ ne ọ vbe miẹn mwẹ fan obọ ọmwa i ra gha mwẹ ẹdẹdẹmwẹdẹ.

Psalm 71:22

I gha gele ye akpata rho ruẹ, I gha rho a gia mu ẹtin yan ruẹn, Osanobua mwẹ I gha ye akpata mwẹ so ihuan ghe ruẹ ọmwa Ne ọ huanrẹn ọghe Izrẹl.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Aizaia 30:11

Biegbe vbe odẹ ne u ghẹ degue ima odẹ. Ma i ho ne ima ghi họn vbekpa ọghe Osanobua nọhuanrẹn Izrẹl ruẹ na.”

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 43:14

Osanobua nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Ne I miẹn ehe na miẹn uwa fan, I gha gie ivbiyokuo ne iran ya gu e Babilọn khọn; I gha guọghọ ẹkhu onurho ne ọ rrọọ sẹ otọ uwemwẹ ne emwa ni rrọọ te wee, gha khian eve.

Aizaia 43:3

Rhunmwuda mẹ ọrọre Nọyaẹnmwa ne Osanobua ruẹ, Osanobua nọhuanrẹn ọghe Izrẹl, ọmwa ne ọ miẹn ruẹn fan; I gha sẹ Igipt rae ne I miẹn ruẹn fan. I gha sẹ e Sudan kevbe Siẹba rae.

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.