Psalm 89:17 - Edo Bible (E Baibol Ẹdo) Version 1996

¹⁷ Wẹ rhie akhọnmiotọ nekhua ne ima vbe aho ẹmwẹ ọmwa ruẹn, u ke gie ima khọnmiotọ.

Psalm 89:17 ပူးပေါင်းရင်းမြစ်များ

Nehimaia 8:10

Banbanna nian, wa gha rrie owa ne uwa rri evbare esi, wa fian vbe evbare uwa ne iran ne ẹ i mwẹ, ne uwa vbe sa ne iran vbe ayọn uwa. Ẹdẹ nọhuanrẹn ọ re ẹrẹ khin ne Nọyaẹnmwa rhunmwuda ọnii, wa ghẹ khiẹ. Oghọghọ ne Nọyaẹnmwa, rhie ne uwa gha ya uwa wegbe.”

Psalm 112:9

Ọ gha rhie ne ne ẹ i mwẹ wọrhọwọrhọ itohan rẹn i vbe baku ọ gha mwẹ ẹtin, a ghi vbe gha ya ọghọ ne ẹẹn.

Psalm 132:17

I gha ya ọkpa vbe uwu ivbi e Devid, ma ọba nọkhua vbe emwa na, emwa na ọ re I gha na rhie ẹre mwẹ, ighe irriegie ọghe ọba ne I hannọ zẹ.

Psalm 148:14

Ọ ye ẹvbo ẹre khian ne ọ wegbe, sẹrriọ wẹ te emwa rẹn hia rho ẹre, avbe ivbi Izrẹl, ni ghan ne ẹẹn ẹsẹse. Wa rho e Nọyaẹnmwa!

Psalm 28:7

E Nọyaẹnmwa degue mwẹ, ọ vbe gbinna mẹ I mu ẹtin yan rẹn. Ọ yọmwẹ obọ, ọ keghi ya ọyẹnmwẹ sẹ mwẹ, I gha so ihuan oghọghọ rho ẹre.

Psalm 75:10

Ọ gha guọghọ ẹtin emwa dan sokpan a gha rhie ba ẹtin ọghe emwa ẹmwata.

Psalm 89:24

I gha ho ẹmwẹ ọnrẹn I ghi vbe guobọ ẹre ẹsẹse. I gha ya ẹe gha khọnmiotọ vbe ẹghẹ hia.

Psalm 92:10

U ya mwẹ wegbe zẹ vbe ede, u ya oghọghọ we mwẹ nẹ.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

I Samuẹl 2:1

E Hanna keghi na erhunmwu wẹẹ: “E Nọyaẹnmwa ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi ne ọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọmwẹ obọ nẹ.

I Samuẹl 2:10

A gha fuẹn eghian e Nọyaẹnmwa, ọ gha van yan iran ke ẹrinmwi rre, e Nọyaẹnmwa gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba ne ọ hannọ zẹ.”