Psalm 89:12 - Edo Bible (E Baibol Ẹdo) Version 1996

¹² Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Psalm 89:12 ပူးပေါင်းရင်းမြစ်များ

Job 26:7

Osanobua ọ re ọ tan iso ne ọrre odẹ okuọ. Ọ na mu agbọn na rrọ ye ideghedeghe.

Psalm 115:16

E Nọyaẹnmwa okpa ọ re ọ yan ẹrinmwi, sokpan, ọ ya agbọn ne ọmwa.

Psalm 133:3

Ọ yevbe evbu ne ọ tuo vbe Oke Hẹmọn, ne ọ tuo ye avbe oke Zaiọn. Evba nii i ọ re Nọyaẹnmwa na ve afiangbe ẹre, agbọn ne ẹ i mwẹ ọfo.

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Psalm 24:2

Ọ bọ ẹe yan odin amẹ ne ọ rre uwu otọ. Ọ kevbe gbe ẹyotọ ẹre yan orinmwi amẹ okun.

Psalm 98:8

Wa ne ẹzẹ, wa kpe obọ wa ne oke, wa koko ya oghọghọ so ihuan, vbe odaro Nọyaẹnmwa.

Aizaia 49:13

Wa so ihuan wa ne ẹrinmwi! Agbọn, wa we uwemwẹ oghọghọ. Wa gie avbe oke nekhua kpeghe urhu ua gha so ihuan! E Nọyaẹnmwa gha fu avbe emwa rẹn ẹko rre ọ gha tohan avbe emwa ne usẹ sẹ.

Jerimaia 46:18

Mẹ ne Nọyaẹnmwa ne Oghodua ọrọre ọba. Mẹ ọrọre Osanobua ne ọ rrọọ, zẹ vbene oke Tabọ ghe avbe oke hia ginna otọ, vbene Oke Kamẹl yo gberra uhunmwu okun, erriọ ọ re ẹtin ẹnrẹn khian gha ye ighe ọmwa ne ọ do gu uwa gbinna.

Jọsua 12:1

Ivbi Izrẹl keghi khọn, iran na vbe yin otọ ne ọ rre odẹ ahọ ọghe Jọdan kevbe Iya ọghe Anọn kpao ya sẹ Iya ọghe Jọdan kevbe Oke Hẹmọn. Vbe odẹ okuọ avbe ọna ne ivbi Izrẹl khọn miẹn ẹre otọ ena khin.

Jọsua 19:22

Uwu ẹre kevbe ya sẹ Tabọ, Siahazuma kevbe Bẹt Siemẹs, ọ kevbe ya fo vbe Jọdan. Ọ kegha re okpẹvbo enẹ irrọvbugie kevbe ẹvbo ni lẹga iran.

Giọgis 4:12

A keghi ya tama Siseria wẹ Barak ne ovbi Abinoam kpao gha rrie Oke Tabọ.

Giọgis 4:6

Ẹdẹ ikẹtin ghi rre okhuo nii keghi gie ne a tie Barak ne ovbi Abinoam ne ọ vbe re ovbi ẹvbo ne a tie ẹre Kedẹs vbe Naftali, ọ Keghi tama rẹn wẹẹ, “E Nọyaẹnmwa ne Osanobua Izrẹl ọ re ọ gie uhunmwu na guẹ: ‘Gha khian ne u ya viọ emwa ruẹn gha rrie uhunmwu oke Tabọ viọ arhin arriaisẹn igbe vbe ẹwae Naftali vbe Zebulọn.