Psalm 89:11 - Edo Bible (E Baibol Ẹdo) Version 1996

¹¹ Wẹ ọ re ọ yan ẹrinmwi, kevbe agbọn ba ẹre, wẹ ọ re ọ yi agbọn kevbe emwi hia ni rre uwu ẹre.

Psalm 89:11 ပူးပေါင်းရင်းမြစ်များ

Gẹnẹsis 1:1

Vbe omuhẹn, vbe Osanobua yi agbọn kevbe emwi hia ni rre iso.

Gẹnẹsis 2:1

A keghi do yi otọe kevbe iso fo.

I Krọnikol 29:11

U kpọlọ ẹsẹse, u kevbe mwẹ ẹtin ne ọ vuọn ne ose kevbe orrirri. Wẹ ọ re ọ yan emwi hia ni rre ẹrinmwi kevbe agbọn wẹ ọrọre ọba, ogie nọkhua ne ọ kha yan emwi hia.

Job 38:18

We gha sẹtin mu idandan ọghe vbene agbọn na kpọlọ sẹ hẹ ra? Rhie ewanniẹn mẹ deghẹ u rẹn ọnrẹn.

Job 41:11

De ọmwa ne ọ gha gu ẹe gbinna, ne ọ gha miẹn uhunmwu? Orhiọnkpa ne ọ gha sẹtin ru ẹe i rre agbọn na.

Psalm 115:16

E Nọyaẹnmwa okpa ọ re ọ yan ẹrinmwi, sokpan, ọ ya agbọn ne ọmwa.

Psalm 50:12

“Deghẹ ohanmwẹ gbe mwẹ, mẹ i vbe tama uwa. Rhunmwuda, agbọn kevbe emwi ni rre uwu ẹre hia mẹ ọ re ọ yan iran.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

I Kọrinti 10:26

Rhunmwuda, zẹ vbene ebe kha re, “Agbọn ke emwi hia ni rre uwu ẹre, ọ ghe Nọyaẹnmwa nọ.”

I Kọrinti 10:28

Sokpan, a deghẹ a ghi tama ruẹn nẹ wẹ, “Ẹbọ ọre a ya emwi na ru,” ghẹ rri ọe rhunmwuda ọmwa ne ọ tama ruẹn ni kevbe rhunmwuda osẹe ekhọe.