Psalm 89:10 - Edo Bible (E Baibol Ẹdo) Version 1996

¹⁰ U piẹn Rehab ne Ugbogiorinmwi, u keghi gbe ẹe rua, u ya ẹtin ruẹn nọkhua khọn, avbe eghian ruẹn muotọ.

Psalm 89:10 ပူးပေါင်းရင်းမြစ်များ

Psalm 144:6

Gie ayan ọghe avannukhunmwu, ne u zagha avbe eghian ruẹn kua. Filo avbe ifẹnmwẹ ruẹn, ne u zẹ ulẹ ye iran egbe.

Psalm 59:11

Ghẹ gbele iran an Osanobua, ne avbe emwa mwẹ ghẹ ya mianmian, ya ẹtin ruẹn zagha iran an ne u khọn iran mutan, Nọyaẹnmwa ugue mwa.

Psalm 65:8

Otagbọn hia mudia yan unu uan gha ghe iwinna nọkhua ne uwẹ winnaẹn. Iwinna ruẹn rhie uwemwẹ oghọghọ rre, ke ufomwẹ agbọn ọkpa ya sẹ nọkpa.

Psalm 68:1

E Nọyaẹnmwa gua kpaegbe, ọ keghi zagha avbe eghian rẹn kua ọ munọ iran ni sọtẹ ghe ẹre gbotọ iran keghi lẹẹ.

Psalm 68:30

Gu ẹe gui ighe Igipt nii ne aranmwẹ ọkhọ ne ọ rre uwu irunmwu, gu avbe agbọn ẹvbo gui avbe oghẹn ẹmila nii, deba avbe ẹkhuia iran negiẹrẹ rhinrin iran te do de ya igue viọ avbe esiliva iran guẹ. Zagha iran ne okuo yẹ kua.

Psalm 87:4

“I gha so eni Igipt kevbe Babilọn, ba ẹvbo ni họn ẹmwẹ mẹ. I gha vbe ka ivbi e Filistia, e Taia kevbe Sudan ba iran, I gha ka iran ba emwa ni yin e Jerusalẹm”

Aizaia 24:1

E Nọyaẹnmwa ra duẹ otọ agbọn na an, ọ ghi sẹ ọe rae vbe ihoi. Ọ gha mu ehe ne a ya owẹ rrilo vbe otọe agbọn khiẹn yo khiẹn rre, ọ ghi zagha emwa ni rrọọ kua.

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.