Psalm 89:1 - Edo Bible (E Baibol Ẹdo) Version 1996

¹ E Nọyaẹnmwa, mẹ gha so ihuan aho ruẹ ne ẹ i beghe vbe ẹghẹ hia, I gha na iyẹn aguobọmwa ruẹn ẹdẹdẹmwẹdẹ.

Psalm 89:1 ပူးပေါင်းရင်းမြစ်များ

I Ọba 4:31

Rẹn kegha re ne ọ wan sẹẹ vbe uwu emwa hia fẹẹrẹ, ọ wan sẹ Etan ne ovbi ẹvbo ne a tie ẹre Ẹzra kevbe Henian, Kalkọl kevbe Daba iran ne ivbi e Mahọl. Otiti ẹre keghi vẹ gba ẹvbo ni lẹga enii hia.

I Ọba 5:11

E Solomọn keghi viọ igarawa ẹlubọ arriaisẹn iyisẹn (100,000) kevbe e galọn ofigbọn oliv ne a ma gua arriaisẹn igbe yan iyisẹn (110,000) gie Hiram ukpukpo ne ọ ya gha koko emwa rẹn.

I Krọnikol 2:6

E Zẹra ne ọtiọnrẹn kegha mwẹ emọ ikpia ehan, ena ọre Zimri, Etan, Heman, Kalkọl kevbe Dada.

Psalm 101:1

Ihuan mwẹ re ọghe a ya ekhọe ga kevbe ohiẹn ẹmwata, wẹ ọre imẹ so ẹe na Nọyaẹnmwa.

Psalm 106:1

Wa rho e Nọyaẹnmwa! Wa rhie ekpọnmwẹ ne Nọyaẹnmwa, rhunmwuda ọ maa, etẹbitẹ ọre aho ẹmwẹ ọmwa rẹn khin.

Psalm 119:90

Ẹmwata ruẹ rrọọ ke orre ya sẹ orre; wẹ ọ re ọ mu agbọn gbọ ye ihe okpa ọ kevbe de ziẹn.

Psalm 36:5

Nọyaẹnmwa, ahoẹmwọmwa ruẹn ne ẹ i beghe sẹ ẹrinmwi. A gia mu ẹtin yan ọwuẹ sẹ aro iso.

Psalm 59:16

Sokpan, mẹ gha so ihuan ẹtin ruẹn. Owiẹ owiẹ, ọ re imẹ gha ya kakabọ so ihuan ahoẹmwọmwa ruẹn ne ẹ i beghe. Wẹ ọrọre ugue ne ọ degue mwẹ ehe ne I lẹre yi vbe ẹghẹ ibaro.

Psalm 71:8

Te imẹ ra rho ruẹ ne ebi ro, I ghi vbe gha wewe uyi ruẹ.

Psalm 88:11

A vbe ta ẹmwẹ iho ruẹ ne ẹ i beghe vbe idin ra? Ra ọghe aguobọmwa ruẹn vbe ihe ọfuan?

Psalm 89:24

I gha ho ẹmwẹ ọnrẹn I ghi vbe guobọ ẹre ẹsẹse. I gha ya ẹe gha khọnmiotọ vbe ẹghẹ hia.

Psalm 89:33

Sokpan, mẹ i ra dobọ ne I na ho ẹmwẹ Devid yi, ra ne I ghẹ ru vbe ne I ve ẹre re.

Psalm 89:49

Nọyaẹnmwa, avbe emwi ne u ya, yama ye ahoẹmwọmwa ruẹn ẹghẹ nii vbọ yi? Avbe emwi ne u ve Devid re hia ghi vbọ?

Psalm 89:8

E Nọyaẹnmwa Osanobua ne Oghodua, ọmwa ne ọ mwẹ ẹtin vbe uwẹ i rrọ vbe uwu emwi hia Nọyaẹnmwa, te uwẹ gia mu ẹtin yan.

Psalm 92:2

Ne a gha na iyẹn ahoẹmwọmwa ruẹn ne ẹ i beghe owiẹ owiẹ, kevbe aguobọ ọmwa ruẹn vbe asọn asọn.

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Eve Orriara 3:23

ọ ye rọkhọọ vbe owiẹ, ọ keghi vbe re ne ẹ i baku zẹvbe ne owẹn yanrre.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,