Psalm 88:5 - Edo Bible (E Baibol Ẹdo) Version 1996

⁵ A he mwẹ ye otọ ba avbe ikun orinmwi mẹ ye vbe emwa ne a gbele ni lovbiẹ ye uwu idin iran iran ne uwẹ mianmian ẹn fẹfẹẹfẹ emwa ni i ghi gie uwẹ ru iyobọ na.

Psalm 88:5 ပူးပေါင်းရင်းမြစ်များ

Gẹnẹsis 19:29

Sokpan ugbẹn vbe Osanobua fuẹn avbe ẹvbo ni rre iya nii hia, ọ keghi mu ẹmwẹ Ebraham roro, ọ na gie Lọt miẹn uhunmwu vbọ.

Gẹnẹsis 8:1

Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

Job 11:10

Deghẹ Osanobua muẹn, ọ na wẹ ne a gui ẹzọ ruẹ, de ọmwa ne ọ gha da ẹre obọ yi yi?

Job 17:1

“Ufomwẹ ẹdẹ agbọn mwẹ rre nẹ. Egbe iregbe ne I ghi ya sẹtin hiọnrọn; emwi ne ọ ghi kẹe mẹ i ghi rrọ gberra idin.

Job 6:9

Akpawẹ ọ gha wa giẹ obọ kẹe ne ọ gbe mwẹ uan nian!

Psalm 136:23

Ọ ma mianmian mwa vbe a khọn miẹn ima otọ, etẹbitẹ ọ re ahoẹmwọmwa rẹn khin.

Psalm 28:1

E Nọyaẹnmwa ugue mwẹ, mẹ tu tie ruẹ. Họn urhu eve mwẹ a deghẹ u ma zẹ yọ mwẹ re, mẹ gha do ye vbe iran ni tuorre rriẹ ẹvbo ne iran ni wulo nẹ ye.

Psalm 31:12

Te emwa hia ghi mianmian mwẹ, zẹ vbe ọmwa ne ọ wu nẹ, I ye vbe emwi ne a fi fua.

Psalm 31:22

Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

Psalm 88:16

Ohu ruẹ ne ọ mwẹ oghae rẹnkhẹn mwẹ uan, igbinna ruẹn ne ọ gborrirri fuẹn mwẹ uan.

Aizaia 53:8

A mu ẹẹn, a bu ohiẹn uwu gbe ẹe, a na rhie ẹre kpao ne ọ ya wu a ma vbe miẹn ọmwa ne ọ zẹẹ ye emwi ne ọ rruan rẹn. A gbe ẹe rua ba ẹmwẹ orukhọ emwa ima.

Ezikiẹl 37:11

Osanobua keghi tama mwẹ wẹẹ, “Ovbi ọmwa, te ivbi Izrẹl ye vbe avbe ugboloko na, iran khare wẹ iran kakaa nẹ vbene idaehọ ra a gha he kue maa ẹdẹ nakhuẹ i na ghi rrọọ.