Psalm 87:5 - Edo Bible (E Baibol Ẹdo) Version 1996

⁵ A gha tae vbe ekpa Zaiọn wẹ, evba nii ọrọre ọghe uhunmwu ẹvbo hia kevbe wẹ, Oghodua gha ru ẹe ne ọ wegbe.

Psalm 87:5 ပူးပေါင်းရင်းမြစ်များ

Psalm 48:8

Ma ka họn emwi ne Osanobua ru nẹ banbanna nian aro mwa sẹ ọe vbe ẹvbo Osanobua mwa. E Nọyaẹnmwa ne Oghodua; ọ gha rhie ẹvbo ni lẹre ẹdẹdẹmwẹdẹ vbe ne ẹi na mwẹ ẹbe.

Psalm 48:9

Vbe uwu Ọgua Osa Nọyaẹnmwa ma mu ẹmwẹ ahoẹmwọmwa ruẹn ne ẹi beghe ro.

Ezikiẹl 48:35

Utanmwẹ ekẹn nii hia vbe igienenẹ ọghe ore ẹvbo nii keghi re ibata eha iyenẹ yan arriaisẹn igbe (10,080). Eni ne a ghi ra gha tie ore ẹvbo nii ke ẹghẹ na kpao keghi re, “E Nọyaẹnmwa Rre Emwa Na.”

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

Hibru 11:32

Ne I ye gha kọ ẹre khian ra? Ẹghẹ i ghi sẹ mwẹ ya kpa itan ọghe Gidiọn, Barak, Samsin, Jẹfta, Devid, Samuẹl kevbe avbe akhasẹ.