Psalm 87:4 - Edo Bible (E Baibol Ẹdo) Version 1996

⁴ “I gha so eni Igipt kevbe Babilọn, ba ẹvbo ni họn ẹmwẹ mẹ. I gha vbe ka ivbi e Filistia, e Taia kevbe Sudan ba iran, I gha ka iran ba emwa ni yin e Jerusalẹm”

Psalm 87:4 ပူးပေါင်းရင်းမြစ်များ

Job 9:13

Ohu Osanobua i firaa, Ọ rẹnkhẹn avbe eghian rẹn hia a. Iran ni rhie obọ ye Rehab ne ugbogiorinmwi amẹ iyeke, gha gu ẹe suan.

Psalm 137:1

Ọkpẹn ẹzẹ e Babilọn ọ re ima na tota; evba ọ re ima na viẹ, vbe ima ye Zaiọn rre.

Psalm 45:12

Ivbi e Taia gha ha oko guẹ, emwa nii ni fe ghi gha gualọ aro nọ maa ọwuẹ.

Psalm 68:31

Iran ne ukọ ẹvbo gha ke Igipt rre avbe ivbi e Sudan, gha tọn obọ mu na erhunmwu ghe Osanobua.

Psalm 89:10

U piẹn Rehab ne Ugbogiorinmwi, u keghi gbe ẹe rua, u ya ẹtin ruẹn nọkhua khọn, avbe eghian ruẹn muotọ.

Aizaia 19:11

Akpa ọ re iran khin ighe avbe ọkaolotu ẹvbo e Zoan. Ude ọzuọ ọ re emwa ni ghi wan sẹ vbe Igipt bu ọmwa re! Vbe ohan na gie iran tama ọba hẹ yi wẹ iran ọrọre emwa ni mudia ye ihe avbe umẹwaẹn kevbe avbe ọba nẹdẹ.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Iwinna 8:27

Rhunmwuda ọnii, Filip mu egbe, ọ na gha khian. Ọghẹrriẹnoguan ọkpa, ọmwa Etiopia keghi ke ehe di owa. Okona keghi wa re ọmwa kpataki, rẹn ọrọre ọmwa ne ọ gbe aro ghe aza ọba nokhuo ra Kandes ọghe Etiopia. Te irẹn yo Jerusalẹm ya ga Osanobua.

Arhie Maan 17:5

Iran keghi gbẹn eni ne ọ mwẹ emwi oro ne a yae kha ye ọre uharo wẹ, “Babilọn Nọkhua, iye ebabotu hia kevbe avbe emwi ni kẹkua hia vbe agbọn.”

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.

I Samuẹl 17:8

E Golaiat ghi mudia, ọ ghi datie ivbi Izrẹl wẹẹ, “De emwi ne uwa ru vbe evba yi, te uwa tẹn khẹ okuo ra? Wa ne eviẹn Sọl na, ovbi e Filistin mẹ khin! Wa zẹ orhiọnkpa vbe uwu uwa ne ọ do gunmwẹ gbinna.