Psalm 86:3 - Edo Bible (E Baibol Ẹdo) Version 1996

³ Wẹ ọrọre Osanobua mwẹ, rhunmwuda ọnii, tohan mwẹ, ẹdẹ biiri ọ re I ya na erhunmwu ghe ruẹ.

Psalm 86:3 ပူးပေါင်းရင်းမြစ်များ

Psalm 25:5

Ma mwẹ re ne I gha ya ẹmwata ruẹ ru emwi rhunmwuda, wẹ ọ re Osanobua mwẹ, ne ọ miẹn mwẹ fan. I mu ẹtin yan ruẹn vbe ẹghẹ hia.

Psalm 4:1

Họn urhu mwẹ vbe i a gha na erhunmwu Osanobua ne ọ gbinna mẹ. Ẹghẹ ne I na gha rre uwu ukpokpo, wẹ ọ re ọ yọmwẹ obọ. Tohan mwẹ nian, ne u vbe họn erhunmwu mwẹ.

Psalm 41:5

Avbe eghian mwẹ wa guan ẹmwẹ dan vbe ekpa mwẹ; iran ho ne I wu kevbe ne I vbe khian ne a mianmiaẹn.

Psalm 55:17

Owiẹ, avan kevbe asọn ọ re ovian kevbe utumwẹ obalọ mwẹ ya bu ẹre yo, ọ gha họn urhu mwẹ.

Psalm 56:1

Osanobua tohan mwẹ rhunmwuda, emwa wa gunmwẹ gbinna, avbe eghian mwẹ wa zẹ mwẹ kpokpo vbe ẹghẹ hia.

Psalm 57:1

Tohan mwẹ Osanobua tohan mwẹ, rhunmwuda wẹ ọ re imẹ lẹgbinna aghọnghọn ifuẹn ruẹn ọ re imẹ lẹre yi rhinrin okpẹhoho na te do la fo.

Psalm 88:10

Wẹ vbe ru emwi ọyunnuan ma orinmwi ra? Iran vbe kpaegbe ne iran gha rho ruẹ ra?

Psalm 88:2

Họn erhunmwu mwẹ, rhie ehọ ye utumwẹ mwẹ ne I ya nọ iyobọ.

Psalm 88:9

Te aro mwẹ ghi ghe vbirrivbirri rhunmwuda usẹ e Nọyaẹnmwa ẹdẹgbegbe ọ re I ya tu tie ruẹ. I ghi vbe viọ obọ da okhunmwu ghe ruẹ gha na erhunmwu.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Iyẹn ne ọ Maan Ọghe Luk 2:37

Ọdọ re ghi vbe wu nẹ, ọ keghi vbe ya ukpo enẹ yan iyenẹ ru ẹgbẹ. Ẹ ghi kpao vbe Ọgua Osa rre. Asọn vbe avan ọre ọ ya ga Osanobua vbe aguẹ kevbe erhunmwu.

Ẹfisọs 6:18

Erhunmwu ọre u gha ya ru emwi na hia, u ghi rinmwian wẹ ne Osanobua yi uẹ obọ. Gha na erhunmwu vbe ẹghẹ hia, zẹ vbene nene Orhiọn rhie yi uẹ ekhọe. Rhunmwuda ọnọna, rhie vbẹẹ, ghẹ zẹ obọ vbọ, gha na erhunmwu ne emwa Osanobua vbe ẹghẹ hia.