Psalm 86:16 - Edo Bible (E Baibol Ẹdo) Version 1996

¹⁶ Gbe bu mwẹ rre ne u tohan mwẹ, rhie orhiọn yọmwẹ iwu ne u miẹn mwẹ fan, rhunmwuda, mẹ ga uwẹ zẹ vbene iye mwẹ vbe ru.

Psalm 86:16 ပူးပေါင်းရင်းမြစ်များ

Psalm 116:16

Ọguọmwadia ruẹ mẹ khin Nọyaẹnmwa, te imẹ ga uwẹ, zẹ vbene iye mwẹ vbe ru, wẹ miẹn mwa fan vbe obọ uwu nẹ.

Psalm 119:132

Werriegbe ghe mwẹ, ne u tohan mwẹ, zẹ vbene u ru ghe iran ni ho ẹmwẹ ruẹn hia.

Psalm 119:94

Ọwuẹ ọ re imẹ khin, miẹn mwẹ fan! I wa hia nẹ ne I rhie iyi ruẹ mwẹ.

Psalm 138:3

U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 25:16

Nọyaẹnmwa, ghe mwẹ ne u tohan mwẹ rhunmwuda mẹ ma wegbe, I vbe rre uwu ohioro.

Psalm 41:5

Avbe eghian mwẹ wa guan ẹmwẹ dan vbe ekpa mwẹ; iran ho ne I wu kevbe ne I vbe khian ne a mianmiaẹn.

Psalm 69:16

Rhie ewanniẹn mẹ Nọyaẹnmwa, vbe umamwẹ aho ruẹ ne ẹ i beghe vbe uwu itohan ruẹn nọkhua, gbe bu mwẹ rre!

Psalm 84:5

Ọmakin iran ne ẹtin ẹnrẹn ke ehe ne uwẹ ye rre, ne ọ wa vbe bọbọ ẹre egbe, ne ọ mu okhian gha rriẹ Oke Zaiọn.

Psalm 90:13

Vbe ohu ruẹ ghi ra kpee sẹ hẹ vbe otọ yi? Nọyaẹnmwa, tohan avbe eguọmwadia ruẹ.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Iyẹn ne ọ Maan Ọghe Luk 1:38

Meri keghi kha wẹẹ, “Ọguọmwadia ọre I khin, gie ẹe gele sẹ vbe egbe mwẹ vbe ne u khare na.” Odibosa nii keghi kpa sẹ ọe rae.

Ẹfisọs 3:16

I ghi rinmwian Osanobua wẹ, vbe ekpa ukpọlọmwẹ uyi ẹre, ne ọ la ekpa Orhiọn ẹnrẹn rhie ẹtin ne uwa ne uwa ya wo vbe egbe vbe uwu egbe uwa.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.