Psalm 86:12 - Edo Bible (E Baibol Ẹdo) Version 1996

¹² I gha ya ekhọe mwẹ hia rho ruẹ Nọyaẹnmwa Osanobua mwẹ I gha na iyẹn ukpọlọmwẹ ruẹn ẹdẹdẹmwẹdẹ.

Psalm 86:12 ပူးပေါင်းရင်းမြစ်များ

I Krọnikol 29:13

Banbanna nian, Osanobua mwa, ma rhie ekpọnmwẹ ne uẹn, ma kevbe rho eni ruẹn ne ọ mwẹ uyi.

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

Psalm 104:33

I gha so ihuan ghe Nọyaẹnmwa, vbe ẹdẹ agbọn mwẹ hia, inu ẹghẹ ne I gha ya vbe agbọn hia; I gha so ihuan urhomwẹ ghe Osanobua mwẹ.

Psalm 34:1

I gha kpọnmwẹ Nọyaẹnmwa vbe ẹghẹ hia. Mẹ i ra dobọ urhomwẹ ọnrẹn yi ẹdẹ.

Psalm 9:1

I gha ya ekhọe mwẹ hia rho ruẹ Nọyaẹnmwa. I gha na iyẹn emwi ọyunnuan hia, ne uwẹ ru.

Psalm 9:2

I gha ya oghọghọ so ihuan rhunmwuda ruẹ. I gha so ihuan urhomwẹ ghe ruẹ Osanobua ne Udazi.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Iwinna 8:36

Vbene iran khian vbe odẹ nii, iran keghi do sẹ ihe ọkpa ne amẹ ye, ọka iwinna ni keghi kha wẹẹ, “Ghe amẹ vbe emwa na, de emwi ne ọ gha zẹ ne a i ra na sa amẹ mẹ nian?” [

Ebe ne Pọl gbẹẹn gie emwa Rom 15:6

Ne uwa hia miẹn ehe na sẹtin gha ye urhu ọkpa rho Nọyaẹnmwa, ne uwa gha rho Osanobua kevbe Erha Nọyaẹnmwa Jesu Kristi.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

I Kọrinti 6:20

Te ọ dẹ uwa ha osa, rhunmwuda ọnii, wa gha lo egbe uwa ne uyi Osanobua.

Ẹfisọs 5:19

Wa gha ya ẹmwẹ e Psalm gu egbe guan, deba ihuan kevbe ihuan ugie, wa gha so ihuan kevbe Psalm ghe Nọyaẹnmwa, deba oghọghọ vbe uwu ekhọe uwa.

Diuteronomi 6:5

Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.