Psalm 85:6 - Edo Bible (E Baibol Ẹdo) Version 1996

⁶ Dọlegbe ya ima wegbe ne emwa ruẹn gha vbe rho ruẹ.

Psalm 85:6 ပူးပေါင်းရင်းမြစ်များ

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Psalm 149:2

Izrẹl gha ghọghọ, rhunmwuda Ayi ne ọ yi uẹ; wa gha ghọghọ wa ne ivbi e Zaiọn, rhunmwuda ọba uwa!

Psalm 53:6

Erhunmwu mwẹ ọrọre wẹ, ne akhọnmiotọ la Zaiọn sẹ Izrẹl obọ, u miẹn vbe ivbi Izrẹl gha ghọghọ hẹ ẹghẹ nii, vbe Osanobua a gie agbọn dọlegbe ma iran!

Psalm 71:20

U si ọlọghọmwa kevbe usẹ yọmwẹ egbe, sokpan, u gha rhie ẹtin mwẹ dọlegbe mẹ, u gha mu mwẹ lẹ ne idin.

Psalm 74:1

Vbọzẹ ne u na sẹ ima rae vbenian yi Osanobua? U gha wa mu ohu ghe emwa ruẹn rhinrin ẹdẹ ra?

Psalm 77:8

Te ọ ghi dobọ ne ọ na ho ẹmwẹ mwa yi ra? Te a ghi so eyan ne ọ te yan gọ ra?

Psalm 80:18

Ma i ghi dọlegbe fi iyeke gbe uwẹ ẹdẹ, gie ima gha rre agbọn, ma gha vbe gha rho ruẹ.

Psalm 90:14

Ye ahoẹmwọmwa ruẹn ne ẹ i beghe vuọn ima owiẹ owiẹ, ne ima miẹn ehe na gha so ihuan, ne ọyẹnmwẹ vbe gha sẹ mwa vbe ẹdagbọn mwa hia.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Jerimaia 3:5

Wẹ i ra wa gha mu ohu ghe mwẹ vbe ẹghẹ hia, u i ra mu ohu ne ẹ i mwẹ erọkhọ ghe mwẹ rhinrin ẹdẹ.’ Vberriọ ọ re u tae Izrẹl, vbene u ta ọ re ọnii khin, sokpan avbe emwi dan hia ne u gha sẹtin ru nii, u ru ẹe nẹ.”

Jerimaia 33:11

Urhu ne ọ la ọghe oghọghọ kevbe ọyẹnmwẹ, kevbe uwemwẹ ẹko rhiẹhrhiẹn mwẹ ọghe evbare irhiọha. Wa gha họn vbe emwa na a gha sihuan viọ imuohan ekpọnmwẹ die Ọgua Osa mwẹ, iran ghi kha wẹẹ, “ ‘Wa rhie ekpọnmwẹ ne Nọyaẹnmwa ne Oghodua, rhunmwuda, rẹn maa, itẹbitẹ ọ re ahoẹmwọmwa rẹn khin.’ I gha ya otọ nii khian ne agbọn maa rẹn zẹ vbe ne ọ ka ye dee ẹdẹ. Mẹ ne Nọyaẹnmwa ọ re ọ taa ẹe.”

Hozia 6:2

Vbe ọ te ya sẹ ikpẹdẹ eva ra eha, ọ ghi gua ima kpao, ma ghi ya gha rre ehe ne irẹn ye.

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.