Psalm 84:6 - Edo Bible (E Baibol Ẹdo) Version 1996

⁶ Iran gha la iya e Baka ne ọ kae gberra, ọ ghi khian ẹzẹ ne ọ lẹ amẹ ne ọ ka rhọ, ghi ya ẹe vuọn ne ivbiọghọdọ.

Psalm 84:6 ပူးပေါင်းရင်းမြစ်များ

I Krọnikol 16:11

Wa bu e Nọyaẹnmwa ya nọ ẹre iyobọ wa vbe gha ga ẹe vbe ne a i na dobọyi.

Psalm 68:9

U gie amẹ kakabọ rhọ u keghi dọlọ otọe ruẹ ne ọ te fafaa yi.

Joẹl 2:23

“Ivbi e Zaiọn, wa gha ghọghọ wa hia ghọghọ ye emwi ne Osanobua uwa ru ne uwa. Ọ giee amẹ ne ọ sẹ ihe gie uwa vbe ẹghẹ vbe orhọ ma he suẹn, ọ bu amẹ fua ne uwa vbe okhuakhua, kevbe ẹghẹ orhọ, vbene ọ ka rhọ dee ẹdẹ.

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Ebe ne Pọl gbẹẹn gie emwa Rom 8:37

Awua, vbe uwu avbe emwi na hia, ma khọn miotọ nẹ fẹẹrẹ vbe ẹtin irẹn ni ne ọ ho ẹmwẹ mwa.

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.