Psalm 84:4 - Edo Bible (E Baibol Ẹdo) Version 1996

⁴ Ọmakin iran ni rre uwu Ọgua Osa ruẹ, ni vbe so ihuan urhomwẹ ghe ruẹ, vbe ẹghẹ hia.

Psalm 84:4 ပူးပေါင်းရင်းမြစ်များ

Psalm 145:21

Mẹ gha rho e Nọyaẹnmwa vbe ẹghẹ hia, wa gie emwi ne ayi hia rho eni ẹnrẹn ne ọ huanrẹn ẹdẹdẹmwẹdẹ.

Psalm 23:6

Aro mwẹ dae wẹ aro ne ọma kevbe aho ẹmwẹ ọmwa ruẹn, gha gunmwẹ gha rrọọ, vbe ẹdagbọn mwẹ hia. Kevbe wẹ, owa ruẹ ọ re imẹ ra gha ye vbe ẹdẹ hia ni I gha ya vbe agbọn.

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Psalm 42:11

Vbọzẹ yi, ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre, ọmiọnmwafan mwẹ kevbe Osanobua mwẹ.

Psalm 42:5

Vbọzẹ yi ne ekhọe mwẹ na rhia vbenian? Vbọzẹ ne orhiọn mwẹ ma na sẹ otọ? I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ kevbe Osanobua mwẹ.

Psalm 5:3

U ghi họn urhu mwẹ vbe owiẹwiẹmwọkpa ovẹn gha yan rre, I gha na erhunmwu mwẹ, I ghi mudia khẹ ewanniẹn ruẹn.

Psalm 65:4

Afiangbe ọrọre ọghe iran ne uwẹ hannọ zẹ, ne uwẹ vbe viọ gha dee do di owa ruẹ ne ọ huanrẹn ya emwi esiesi ni rre owa ruẹ gha sẹ ima ọkẹn, afiangbe ọghe Ọgua Osa ne ọ huanrẹn ruẹn.

Psalm 71:15

I gha na iyẹn umamwẹ ruẹn ne ebi ro I gha na iyẹn imiẹnfan ruẹn a gha rhe miẹn wẹ ọ gberra ne imẹ gha sẹtin rẹn otọ ẹre.

Psalm 71:8

Te imẹ ra rho ruẹ ne ebi ro, I ghi vbe gha wewe uyi ruẹ.

Arhie Maan 7:15

Ọnii ọ si ẹe ne iran na mudia ye odaro ẹkete Osanobua, ne iran na vbe ga ẹe asọn kevbe avan vbe uwu Ọgua Osa ẹre. Ọmwa ne ọ tota ye ẹkete, gha la ekpa ne irẹn na rre evba, de gue iran.