Psalm 83:4 - Edo Bible (E Baibol Ẹdo) Version 1996

⁴ Iran khare wẹẹ, “Wa larre, wa gie ima guọghọ uhunmwu ẹvbo iran an, ne a wa mianmian Izrẹl ẹdẹdẹmwẹdẹ.”

Psalm 83:4 ပူးပေါင်းရင်းမြစ်များ

Nehimaia 4:2

Ọ kegha tae vbe odaro ihua ẹre kevbe ivbiyokuo e Sameria wẹẹ, “De emwi ne avbe Ju ne ẹwobi emwa wẹ iran ru na yi. Te iran ya dọlegbe bọ ẹvbo nii ra? Te iran ro ighẹ iran gha sẹtin la ekpa ese ne a zọ winna iwinna nii fo ẹdẹ ọkpa ra? Iran gha sẹtin ya iku ne ọ giẹn uan ru okuta ne a ya bọ owa ra?”

Psalm 74:8

Iran te ho ne iran wa rẹnkhẹn ima fẹẹrẹ, iran keghi ya erhẹn giẹn ehe ni huanrẹn hia ni rre ẹvbo ni sẹ otọ.

Ẹksọdọs 1:10

Rhunmwuda ọnii, wa danmwehọ, te ima gha ya ẹwaẹn ya obọ mu iran ne iran ghẹ ghi muan sayọ. Okuo i ghẹ rre, iran sẹtin wa deba avbe eghian ima gu ima gbinna, iran ghi lẹkua vbe ẹvbo na.”

Itan 1:12

Iran sẹtin gha rre agbọn, egbe ghi vbe rran iran vbe ima a miẹn iran, sokpan, ma ghẹ ghi gu iran do ẹe fo nẹ, iran ghi gha re orinmwi.

Jerimaia 11:19

Mẹ keghi yevbe oteghe ohuan ne ẹ i vbe begbe hiehiere, ne a mu ladian ne a ya gbe ẹe rua, mẹ ma vbe rẹn wẹ mẹ ọ re iran zẹ iro ọkhọ da. Iran kegha kha wẹẹ, “Wa gia kalọ erhan na kua, vbe egbe he rran rẹn na, wa gia gbe ẹe rua ne ọmwa rhọkpa ghẹ ghi ye ẹre rre ọvbehe.”

Jerimaia 31:36

Ọ yan rẹn wẹ vbe ne emwi gha ye zẹe ẹghẹ vbe ne a na yii ẹe, ẹre Izrẹl gha vbe gha re uhunmwu ẹvbo.

Jerimaia 48:2

Ose e Moab fo vbotọ, eghian khọn mu e Hesbọn nẹ, iran vbe kun vbene iran gha ya fuẹn e Moab ua hẹ nẹ. A gha rhie obọ gue ẹvbo avbe Ọmwẹmwẹ unu. ivbiyokuo gha mu okuo gha khian.

Ezikiẹl 38:10

Ẹmwẹ ne Nọyaẹnmwa ne Udazi tama e Gọg ọ re ọ ọna khin, “Ọ gha ghi sẹ ẹghẹ nii, u gha suẹn gha mwamwa emwamwa dan vbe ẹko ruẹ.

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Iwinna 4:17

Sokpan ne a miẹn ehe na gbe ukhu ẹre ua, ne ọ ghẹ hin obarowa vbe uwu ẹbu emwa na, wa gie a yan ma iran ne iran ghẹ ghi ya eni Jesu gu ọmwa rhọkpa guan.”

Jọsua 9:2

Iran keghi kugbe ne iran do gu e Jọsua kevbe ivbi Izrẹl gbinna.