Psalm 82:3 - Edo Bible (E Baibol Ẹdo) Version 1996

³ Wa gha mu ẹzọ ivbiogue kevbe emọ ni i mwẹ erha gui, wa gha ru emwi ẹse ne ne ẹ i mwẹ kevbe ne ẹtin fo.

Psalm 82:3 ပူးပေါင်းရင်းမြစ်များ

Job 29:12

Avbe ivbiogue gha tu ladian, I ghi yi iran obọ. I kegha ru iyohọ ne avbe emọ ne ẹ i mwẹ erha, ni ma miẹn emwa tu ma.

Job 31:21

“Adeghẹ I he mu ọmọ ne ẹ i mwẹ erha ru ẹdẹ, rhunmwuda ighẹ I rẹnrẹn ighẹ, I gha rria asẹ ẹre vbe iko,

Psalm 10:18

U gha họn, utumwẹ iran ne a zẹ kpokpo, kevbe emọ ne ẹi mwẹ erha. U gha bu ohiẹn ne iran, ne ọmwa ne ọ vbe sẹtin wu, ghẹ ghi zẹ afianma ye ọmwa egbe ọvbehe.

Ẹksọdọs 23:3

Ghẹ vbe zẹ ovbiogue ẹkpe vbe a gha bu ohiẹn ọnrẹn.

Ẹksọdọs 23:6

“A gha gui ẹzọ ivbiogue vbe uwu uwa wa ghẹ khiẹn ohiẹn bu gbe ẹe.

Itan 31:9

Guan ne iran, ne u do gha re nọbuohiẹn ẹmwata. Mu ẹzọ avbe ivbiogue kevbe ni i mwẹ gui.”

Aizaia 1:17

ne uwa ruẹ vbene a ru emwi esi hẹ. Wa miẹn wẹ a ru emwi vbene ọ kei yi, wa gha ru iyobọ ne iran ne a zẹ kpokpo, rhie emwi ne ọ khẹke avbe ne ẹ i mwẹ erha ne iran, wa rria ikhi ne avbe ẹgbẹ.”

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Jerimaia 22:16

Te ọ gha danmwehọ ẹzọ ovbiogue sẹ otọ emwi hia keghi maa ne ẹẹn. Ọnii ọ re a ya a rẹn e Nọyaẹnmwa kha.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Jerimaia 5:28

Ọnii ọ re ọ vbe sii ẹe ne iran na kọnkọn egbe, ẹko kevbe vuọn iran. Emwi dan ne iran ru i mwẹ okhiẹ. Iran i rhie emwi ni khẹke emọ ni i mwẹ erha ne iran, ra ne a bu ohiẹn ẹse ne ọmwa ne a zẹ kpokpo.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Diuteronomi 10:18

“Ọ gie a miẹn wẹ obọ esi ọ re ọ ya mu avbe udefiagbọn kevbe ẹgbẹe. Ọ ho ẹmwẹ avbe erhunmwuyẹn, ni rre uwu ima, ọ ghi vbe rhie evbare kevbe ukpọn ne iran.

Diuteronomi 24:17

“Ghẹ gban emwi ne ọ khẹke ọmọ ne ẹ i mwẹ erha ra orhunmwuyẹn hin iran obọ rre, ghẹ vbe miẹn ẹgbẹe ukpọn wẹ ne u da ẹe yi ye emwi ne u rhie nẹ ẹn mọmọ.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.