Psalm 81:8 - Edo Bible (E Baibol Ẹdo) Version 1996

⁸ Wa ne emwa, wa danmwehọ ibude mwẹ, vbe ọ rrọ nian wẹ wa gha họn ẹmwẹ mẹ ivbi Izrẹl!

Psalm 81:8 ပူးပေါင်းရင်းမြစ်များ

Psalm 50:7

“Wa danmwehọ, wa ne emwa mwẹ I gha guan, I gha sẹ osẹ gbe uwa Izrẹl, mẹ ọrọre Osanobua Osanobua uwa.

Psalm 81:13

Vbọrrọ akpawẹ emwa mwẹ gha danmwehọ mwẹ; vbọrrọ akpawẹ iran gha họn ẹmwẹ mẹ!

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Ẹksọdọs 17:7

A kegha tie evba nii, “Masa,” kevbe “Mẹriba,” rhunmwuda te ivbi Izrẹl gha gui, iran na vbe danmwẹ Nọyaẹnmwa ghe vbe iran khare wẹẹ, “Nọyaẹnmwa gu ima rrọọ ra ẹ i gu ima rrọọ?”

Ẹksọdọs 19:16

Vbe owiẹ vbe ikpẹdẹ ne ogieha, avan ne ukhunmwu kevbe ayan kegha wannọ vbe uhunmwu oke, okuku ne ọ mwẹ imi, kevbe urhu okpe ne ọ la ẹsẹse. Emwa ni rre agọ hia kegha guọ zẹzẹzẹ ne ohan.

Aizaia 1:19

Adeghẹ u gha họn ẹmwẹ mẹ, u gha rri avbe emwi esi ne otọe ni rhie rre,

Nọmbas 20:13

Emwi na sunu vbe Mẹriba vbe ehe ne ivbi Izrẹl na gha gui ẹzọ uwunu ghe Nọyaẹnmwa, ehe ne irẹn na vbe rhie maa iran wẹ ọmwa ne ọ huanrẹn rẹn khin.

Iyẹn ne ọ Maan Ọghe Jọn 3:11

Ẹmwata ne ẹmwata ọre I tama ruẹn, emwi ne ima rẹnrẹn ọre ima guan yan, emwi ne aro mwa sẹ ọ re ima ta, sevba, ne ọ ho ne ọ rhie ẹmwẹ mwa, ẹ i rre uwu uwa.

Iwinna 20:21

Iran ne Ju kevbe iran ne ẹ i re Ju, te I si agbada vbe unu ya tama emwa hia wẹẹ ne iran zobọ vbe orukhọ, ne iran bu Osanobua gha dee kevbe ne iran ya Nọyaẹnmwa Jesu yi.

Diuteronomi 32:46

Ọ keghi kha wẹẹ, “Wa ghẹ mwẹ wa ma ya uhi ne I ma uwa ẹre ẹrẹna ru emwi. Wa ta ẹe ma avbe ivbi uwa, ne iran miẹn ehe na gha ya ẹkoata rhie emwi ne Osanobua ma emwa ẹre mwẹ.

Diuteronomi 5:27

Dọlegbe gha khian e Mosis, ne u danmwẹ ehọ ẹmwẹ hia ne Nọyaẹnmwa Osanobua mwa gha ta. U ghi dọlegbe bu mwa gha dee do tama mwa, ma gha danmwehọ ne a vbe ya ẹe gha ru emwi.’

I Jọn 5:9

Emwa ne agbọn gha se ọsẹe ma ya ẹe yi, osẹe ne Osanobua sẹe ọre ọ diae sẹ ẹsẹse, ọna ọrọre osẹe ne Osanobua sẹe vbe ekpa Ọmọ.