Psalm 81:12 - Edo Bible (E Baibol Ẹdo) Version 1996

¹² Rhunmwuda ọnii, I keghi sẹ iran rae, ne iran la odẹ iyin ehọ iran, ne iran ya gha ru emwi ne ọ khọn iran.

Psalm 81:12 ပူးပေါင်းရင်းမြစ်များ

Gẹnẹsis 6:3

Ẹre Nọyaẹnmwa na kha wẹẹ, “I i ghi kue ne emwa wa gha rre agbọn ẹdẹdẹmwẹdẹ rhunmwuda emwi ne ọ sẹtin wu ọre iran khin. Ke eban kpao iran i ghi ra gha ya gberra ukpo iyehan (120) vbe agbọn.”

II Ọba 18:12

E Sameria keghi de guọghọ rhunmwuda ivbi Izrẹl ma họn ẹmwẹ e Nọyaẹnmwa ne Osanobua iran, sokpan, iran rra ile ne ọ gu iran ta, iran kevbe rra uhi hia ne ọ yi ne Mosis ne ọguọmwadia e Nọyaẹnmwa. Iran ma danmwehọ, iran ma vbe ya ẹe ru emwi.

Nehimaia 9:16

Sokpan avbe erhamwa odede ke gha hio iran na vbe ze vbe udu, iran ke ghi he ne iran họn ẹmwẹ ne uẹn.

Job 8:4

Ọ gha kẹe, te ivbi uẹ rukhọ ghe Osanobua, ọ re ọ na rri iran oya ne ọ khẹke iran.

Ẹksọdọs 11:9

E Nọyaẹnmwa keghi kha ma e wẹẹ, “Ọba i ra danmwẹ ehọ ruẹ, ne I miẹn ehe na ye winna iwinna ọyunnuan mwẹ vbe otọe Igipt.”

Aizaia 30:1

E Nọyaẹnmwa guaan nẹ wẹẹ, “Ọghe iran ni khaemwisẹ yan Igipt fo nẹ rhunmwuda, iran sọtẹ mwẹ. Uviẹn ne I ma vin ọ re iran lele. Iran ghi vbe ya gha gu emwa ke ọta ne I i ma kue yi, iran ghi gha kun orukhọ yan orukhọ.

Aizaia 30:9

Ẹghẹ hia ọ re iran ya sọtẹ Osanobua, ẹghẹ hia ọ re iran ya ta ohoghe, ẹghẹ hia ọ re iran ya he ne iran họn iruẹmwi e Nọyaẹnmwa.

Aizaia 42:24

Gha ọ zẹẹ Izrẹl obọ ne iran ni fu emwi yi? E Nọyaẹnmwa tobọ ẹre nọ, ọmwa ne ima ru orukhọ ghe! Ma ma yin vbene ọ gie mwa, ra ne a gha ru vbene ọ ma ima ẹre.

Jerimaia 42:21

Banbanna nian, I tama uwa nẹ sokpan, wa wa fieghe uhunmwu ye emwi hia ne Nọyaẹnmwa ne Osanobua ima giee mwẹ wẹ ne I tama uwa.

Jerimaia 7:24

Sokpan, iran ma họn, iran ma kue vbe zẹ yọ, sokpan, emwi ne ekhọe izevbudu kevbe ekhọe dan ne iran mwẹ tama iran, ọ re iran ru.

Ezikiẹl 20:8

sokpan, iran yagha mwẹ, iran ma danmwehọ, iran ma viọ amazẹ osọnnọ iran kua ra ne iran sẹ avbe ẹbọ Igipt rae. Mẹ keghi te wa mu egbe ne iran họn ẹmwẹ obọ ohu ne ọ mu mwẹ vbe egbe vbe Igipt vbe odọ niii.

Hozia 9:17

E Nọyaẹnmwa ne imẹ ga gha he avbe emwa rẹn yotọ, rhunmwuda iran ma danmwehọ ẹre, iran gha khian emwa ni ghi ghogho yo ghogho rre vbe ẹvbo ọvbehe.

Levitikọs 26:14

E Nọyaẹnmwa keghi kha wẹẹ, “Deghẹ wa ma họn ẹmwẹ mwẹ, a gha rri uwa oya.

Iwinna 14:16

Vbe ẹghẹ ne ọ gberra, ọ gie emwa hia gha ru vbene ọ khọn iran.

Iwinna 7:42

Sokpan Osanobua fi iyeke gbe iran, ọ keghi gie iran gha gho avbe orhọnmwẹ ni rre aro iso, zẹ vbene agbẹn ọẹn ye ebe avbe akhasẹ: “ ‘Wa ne ivbi Izrẹl, ẹ i re imẹ wa gbele aranmwẹ ya zọ ese na, la ukpo iyeva vbe uwu ato.

Ebe ne Pọl gbẹẹn gie emwa Rom 1:24

Rhunmwuda ukọnmwẹ dan ne emwa ne agbọn kọẹn, Osanobua keghi he iran yọ ne iran gha yin uyinmwẹ ẹwia ni rre iran ekhọe, iran keghi vbe gu egbe iran yin uyinmwẹ emwi ekhue.

I Samuẹl 8:19

Emwa nii ma kue zẹ ye Samuẹl re. Iran keghi wanniẹn wẹẹ, “Ẹn o!” Ma gualọ ọba.