Psalm 80:7 - Edo Bible (E Baibol Ẹdo) Version 1996

⁷ Viọ ima werriegbe gha dee Osanobua Ne Oghodua rhie itohan ruẹn ma mwa a gha miẹn ima fan.

Psalm 80:7 ပူးပေါင်းရင်းမြစ်များ

Nehimaia 2:19

Ugbẹn vbe Sanbọlat, e Tobaia kevbe Igabari ọkpa ne a tie ẹre Gesiẹm ghi họn emwi ne ima mu egbe ẹre ne ima ru, iran keghi suẹn gha giẹ mwa, iran wẹẹ, “De emwi ne uwa ro ighẹ uwa ru na yi? Te uwa ra sọtẹ ọgbaisi ra?”

Psalm 51:10

Yi orhiọn ne ọ huanrẹn ye uwu imẹ Osanobua, ne u vbe mu ekhọe ọgbọn ne ọ guobọ ruẹ ye uwu imẹ.

Psalm 80:19

Nọyaẹnmwa Osanobua Ne Oghodua viọ ima werriegbe rre rhie itohan ruẹn ma mwa a gha vbe miẹn mwa fan.

Psalm 80:3

Viọ ima werriegbe gha dee, Osanobua, rhie itohan ruẹn ma mwa a gha vbe miẹn ima fan.

Aizaia 30:15

E Nọyaẹnmwa ne Udazi, ọmwa nọhuanrẹn Izrẹl tama emwa ni wẹẹ, “Wa werriegbe rre, ne uwa hẹko mu ẹtin yan mwẹ. Ẹghẹ nii, wa gha wegbe, wa ghi vbe gha re ne ẹkun sẹ ọre otọ.” Sokpan, wa he ne uwa ru vberriọ.

Aizaia 64:5

Wẹ miẹn iran ne emwi ne ọgbae ne a ru yẹ yi, iran ni yerre vbene u wẹ ho ne iran gha yin hẹ. Ohu mwa te gha mu ẹẹn, sokpan, ma keghi ye gha ru orukhọ yan, vbene ohu ni ya mu ẹẹn sẹ, orukhọ ọre ima ye ru kẹ ẹkpo nẹdẹ ni gha dee.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Iyẹn ne ọ Maan Ọghe Mak 4:12

Na miẹn ehe na miẹn wẹẹ: “ ‘Vbe ne iran gha ghe sẹ, iran i bẹghe! Vbene iran gha danmwehọ sẹ, iran i rẹn otọ ẹre, ne iran ghẹ ya fi ekhọe werriẹ bu Osanobua, rẹn ghi vbe do ya bọ iran.’ ”

Iyẹn ne ọ Maan Ọghe Luk 1:16

Ọ gha viọ enibun vbe ivbi Izrẹl dọlegbe bu Nọyaẹnmwa Osanobua iran gha dee.