Psalm 80:1 - Edo Bible (E Baibol Ẹdo) Version 1996

¹ Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 80:1 ပူးပေါင်းရင်းမြစ်များ

II Samuẹl 6:2

Ọ keghi viọ iran gha rrie Baala vbe Juda, ne ọ ya mu ẹẹn rre ighẹ Ẹkpẹti Ile Osanobua ne a he ẹre eni Nọyaẹnmwa ne Oghodua, ne ọ tota ye Ẹkpẹti ẹnrẹn vbe adesẹneva emwi ne a yi ni mwẹ ifuẹn nii.

II Ọba 19:15

Ọ keghi na erhunmwu wẹẹ, “E Nọyaẹnmwa ne Osanobua Izrẹl, ne ọ tota ye ẹkete ẹre vbe odukhunmwu emwi ni zẹ ifuẹn nii, wẹ ọkpa kẹkan ọrọre Osanobua, wẹ ọ re ọ vbe khaemwisẹ yan arriọba otọ agbọn hia. Wẹ ọ re ọ yi otọ kevbe iso.

Job 10:3

We yayi wẹ ọ kere ne ekhọe ruẹ wa wegbe vberriọ? Ne u zan emwi ne uwẹ tobọ ruẹ yi? Ne u vbe ya obọ ye iro ne emwa dan zẹe?

Psalm 45:1

Ẹmwẹ ni rhiẹnrhiẹn wa vuọn ekhọe mwẹ, vbe I gbẹn ihuan na ne ọba zẹvbe ukeke ọgbenbe ne ọ guẹe. Aranmwẹ mwẹ, wa mu egbe ekharha ye otọ.

Psalm 5:1

Rhie ehọ ye ẹmwẹ mwẹ Nọyaẹnmwa, ne u vbe họn ikhiẹkhiegbe mwẹ,

Psalm 50:1

Osa ne Oghodua e Nọyaẹnmwa, guan rẹn ọ da tie otọ agbọn ke ahọ yasẹ orrie.

Psalm 50:2

E Nọyaẹnmwa wan uwanmwẹ, ke Zaiọn rre, ẹvbo nii ne osẹ gba na fo.

Psalm 55:1

Họn erhunmwu mwẹ Nọyaẹnmwa, ghẹ fi aro ua vbe i a gha rinmwian.

Psalm 60:1

Osanobua, wẹ he ima nẹ, obọ ruẹ keghi vbe gba ima. U wa mobọ mu ohu ghe mwa sokpan, eban nian werriegbe bu ima rre.

Psalm 69:1

Osanobua, miẹn mwẹ fan amẹ ne ọ vuọn sẹ mwẹ ẹyaẹn nẹ.

Psalm 77:20

U su emwa ruẹn gha khian zẹvbe ọsuohuan u keghi mu iwinna iran yan Mosis kevbe Errọn obọ.

Psalm 78:52

Ẹkpo nii, ọ keghi su avbe emwa rẹn ladian zẹvbe ọsuohuan ọ keghi su iran la uwu ato gberra.

Psalm 78:67

Sokpan, ọ he ivbi uniẹn Josẹf yotọ ọ ma vbe hannọ ẹwae Ifreim zẹ.

Psalm 80:19

Nọyaẹnmwa Osanobua Ne Oghodua viọ ima werriegbe rre rhie itohan ruẹn ma mwa a gha vbe miẹn mwa fan.

Psalm 80:3

Viọ ima werriegbe gha dee, Osanobua, rhie itohan ruẹn ma mwa a gha vbe miẹn ima fan.

Psalm 80:7

Viọ ima werriegbe gha dee Osanobua Ne Oghodua rhie itohan ruẹn ma mwa a gha miẹn ima fan.

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

Psalm 99:1

Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 60:1

Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Aizaia 63:11

Sokpan, iran keghi do ye ẹkpo nẹdẹ rre, ẹghẹ e Mosis ne ọguọmwadia e Nọyaẹnmwa, ọ re iran na ghi nọọn wẹẹ, “De ehe ne Nọyaẹnmwa ghi ye yi, ọmwa ne ọ miẹn avbe ọkaolotu emwa irẹn fan vbe obọ okun? De ehe ne Nọyaẹnmwa ghi ye yi ọmwa ne ọ rhie orhiọn irẹn ne Mosis?

Ezikiẹl 1:13

Emwiọkpa ne ọ yevbe ukpekhọe ne ọ baa, kegha rre uwu avbe emwi na, te irẹn wa khian yo khian rre. Erhẹn nii ghẹghi ba ghe odukhunmwu, ọ ghi kpannọ asan ọghe ayan ladian.

Ezikiẹl 10:4

Uwanmwẹ ne ọ gbe ebiebi ye ọmwa aro nii, ne a ya rẹn ighe Osanobua rre evba, keghi ke ehe ne avbe aranmwẹ na ye kpao, ọ na laghe onurho Ọgua Osa, okuku nii keghi gba uwu Ọgua Osa, ẹghodo keghi vuọn ne uwanmwẹ ne wainwain.

Ezikiẹl 34:23

I gha rhie ọba ne ọ yevbe Devid ne ọguọmwadia mwẹ ne iran, ne ọ gha re ọsuohuan iran, ọ gha gbearoghe iran.

Ezikiẹl 43:2

I keghi ya bẹghe uwanmwẹ ne wainwain ne a ya rẹn ighe Osanobua Izrẹl rre evba vbe ọ ke odẹ ahọ dee. Urhu e Nọyaẹnmwa keghi ye vbe uvannọmwẹ okun, uwanmwẹ ne wainwain nii keghi wan mu otọ hia.

Daniẹl 9:17

Osanobua họn erhunmwu kevbe erinmwian mwẹ. Dọlegbe rhie Ọgua Osa ruẹ ne iran dunmwu uan ye ihe, dọlegbe rhie ẹre ye ihe ne emwa hia miẹn ehe na rẹn ighe wẹ ọrọre Osanobua.

Iyẹn ne ọ Maan Ọghe Jọn 10:14

Mẹ ọrọre ọsuohuan ne ọ maa.

Diuteronomi 33:2

E Nọyaẹnmwa ke Oke Sainai gha dee, ọ keghi yan rre vbe owẹn yan Idọm, ọ keghi ke uhunmwu Oke Paran yunmwu yan emwa ẹnrẹn, Odibo Osa arriaisẹn igbe keghi deba ẹre erhẹn ne ọ baa kegha rre obọ erha ọmwa ẹnrẹn.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.

I Pita 5:4

Ẹghẹ ne Ogiete iran ne avbe Ọsuohuan gha na ya egbe ladian, ẹde uyi ne ẹ i fafaa, gha sẹ uẹ obọ.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

I Samuẹl 4:4

Iran keghi rhunmwuda onii gie emwa gha rrie Silo, iran na ya mu Ẹkpẹti Ile ọghe Nọyaẹnmwa ne Oghodua, ne ọ tota yan ẹkete ẹre vbe adesẹneva emwi na yi ni mwẹ ifuẹn nii, ivbi Elai eveva Hofnai kevbe Finihaz keghi lele Ẹkpẹti Ile ni gha dee.