Psalm 8:6 - Edo Bible (E Baibol Ẹdo) Version 1996

⁶ U ya ẹe ru enọkhaemwisẹ yan emwi ne uwẹ yi hia, u kevbe tọn ẹn mu yan emwi ne a yi hia.

Psalm 8:6 ပူးပေါင်းရင်းမြစ်များ

Gẹnẹsis 1:26

Osanobua keghi kha wẹẹ, “Banbanna nian, ma gha do ma emwa na agbọn, iran gha ye vbe ima, iran ghi khọ mwa. Iran gha mwẹ ẹtin vbe uhunmwu avbe ehẹn, ke avbe ahianmwẹ, avbe emwi irri kevbe avbe aranmwẹ oha nekhua kevbe negiẹrẹ.”

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 9:2

Aranmwẹ hia kevbe ahianmwẹ ni rre otọ agbọn hia, kevbe ehẹn, te ohan ruẹn gha mu iran hia. A viọ ehia ye ototọ asẹ ruẹ.

Psalm 110:1

E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Ẹfisọs 1:22

Osanobua keghi viọ emwi hia ye ototọ owẹ Kristi, ọ keghi vbe rhie ẹre ne esọsi zẹ vbe Ogie nọkhua nọyan emwi hia.

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

Hibru 2:8

u keghi ya ẹe gha khaemwisẹ yan emwi hia.” Ọ khare wẹ Osanobua ya ọmwa ru “nọkhaemwisẹ yan emwi hia” ọ na wa rhie maa wẹ emwi hia ọre ọ wa kaẹn. Sokpan ma ma he miẹn nian wẹ, ọmwa gele khaemwisẹ yan emwi hia.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.