Psalm 8:4 - Edo Bible (E Baibol Ẹdo) Version 1996

⁴ Vbe ọmwa khin, ne uwẹ mu ẹmwẹ ọnrẹn ro, kevbe ọmwa kẹkan, ne uwẹ na zẹ yọ ẹre re?

Psalm 8:4 ပူးပေါင်းရင်းမြစ်များ

Gẹnẹsis 1:1

Vbe omuhẹn, vbe Osanobua yi agbọn kevbe emwi hia ni rre iso.

Gẹnẹsis 1:14

Osanobua keghi kha wẹẹ, “Gie uwanmwẹ gha rre iso, ne ọ wannọ avan hin asọn rre, kevbe ne ọ rhiema, ẹghẹ ne ikpẹdẹ kevbe ukpo, kevbe ẹghẹ emwiukpo ya suẹn;

Gẹnẹsis 19:35

Vbe asọn nii, iran keghi ye ayọn nẹẹn da, ovbi ẹre nokhuo ne kherhe keghi vbe guẹe lovbiẹ. Erriọ ọ vbe gha ye, ayọn ke gbẹe sẹrriọ wẹ ọ ma rẹn.

Gẹnẹsis 21:1

E Nọyaẹnmwa keghi fiangbe Sera zẹ vbene ọ khare.

II Krọnikol 6:18

“Sokpan, vbene ẹmwata, Osanobua, wẹ gha sẹtin gele yin agbọn na vbe ehe ne ikpia kevbe ikhuo ye ra? Uhin wẹ ẹrinmwi ma kpọlọ sẹ ne ọ gha gua a, vbe Ọgua Osa na ne imẹ bọe gha na gua uwẹ hẹ?

Job 25:6

Inu-inu ghi nọ ne ọmwa nagbọn, ne ọkhọe, ne atete! De ive ne ọ rre ọmwa uhunmwu vbe odaro Osanobua?”

Job 7:17

Vbọzẹ ne ọmwa na ye gẹdẹgbẹ vbe aro ruẹ yi? Vbe u a na vbe zẹ ye emwi ne ọ ru hẹ yi?

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 136:5

Ẹwaẹn rẹn ọ re ọ ya yi avbe ẹrinmwi, etẹbitẹ ọ re ahoẹmwọmwa rẹn khin.

Psalm 136:9

Ne uki kevbe avbe orhọnmwẹ gha kha yan asọn, etẹbitẹ ọ re ahoẹmwọmwa rẹn khin.

Psalm 144:3

Nọyaẹnmwa de emwi ne ọmwa khin ne uwẹ na vbe bẹghe ẹre, ọmwa kẹkan, ne u vbe zẹ yọ ẹre re.

Psalm 146:3

Wa ghẹ mu ẹtin yan ekaolotu emwa nagbọn; ọmwa nagbọn i ra sẹtin miẹn ruẹn fan.

Psalm 19:2

Ẹdẹ ọkpọkpa ghi gha tae ma ne ọ lelẹe, asọn ọkpọkpa ghi vbe gha tae ma ne ọ lele ẹe.

Psalm 4:2

Inu ẹghẹ, ọre uwa na ra ya gha rhovbiẹ mwẹ yi? Inu ẹghẹ wa ra ho ẹmwẹ emwi ẹwobi sẹ? Ne uwa gha na vbe gha lele ohoghe khian?

Psalm 80:17

Rhie emwa ruẹn ne u hannọ zẹ lẹre, ne u vbe degue iran, uhunmwu ẹvbo ne uwẹ ya wegbe ẹsẹse.

Psalm 96:5

Amazẹ ọ re ẹbọ avbe emwa nekpa khin, sokpan, e Nọyaẹnmwa ọ re ọ yi ẹrinmwi.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Aizaia 40:17

Avbe uhunmwu ẹvbo ma sẹ emwi vbe aro ẹre.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Ezikiẹl 8:15

Rẹn keghi nọ wẹẹ, “Ovbi ọmwa, adeghẹ u bẹghe ọnii? U gha yevbe miẹn emwi ne ọ hu ọmwa ẹko sẹ ọna.”

Matiu 8:20

Jesu wanniẹn tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ okọ, sokpan Ovbi Ọmwa i mwẹ ehe ne ọ mu uhunmwu yan hẹwẹ.”

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Iyẹn ne ọ Maan Ọghe Luk 19:44

Iran gha gbe uẹ ogbefo, ke uwẹ kevbe emwa ni rre uwu odin ruẹn, okuta ọkpa ne a gha sẹ rae ye ihe ẹre ẹ i rrọọ. Rhunmwuda, u ma tie ẹre emwi ẹmwata vbe Osanobua do miẹn ruẹn fan.”

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.