Psalm 8:2 - Edo Bible (E Baibol Ẹdo) Version 1996

² Avbe ibiẹka kevbe avbe emobọ hia, ya ẹe so ihuan. Wẹ gbe ẹkun sẹ otọ, u kevbe rrọ vbe ai mwẹ ẹbe, vbe obọ avbe eghian ruẹn hia. Wẹ da iran obọ yi, ighe iran ni mu aro igbinna da ruẹ.

Psalm 8:2 ပူးပေါင်းရင်းမြစ်များ

Psalm 148:13

Gie iran hia rho eni e Nọyaẹnmwa! Eni ẹnrẹn kpọlọ sẹ nekpa hia fẹẹrẹ; uyi ẹre yosẹ agbọn kevbe ẹrinmwi.

Psalm 4:4

Wa gha guọ ne ohan, ne uwa dobọ orukhọ ne a ru yi. Wa kakabọ mu ọna ro, vbe uwa hẹko lovbiẹ ye ukpo uwa.

Psalm 44:16

Vbe I gha miẹn ihue ozan ne iran vin yọmwẹ akhọe; ighe avbe eghian mwẹ kevbe iran ni khuiwu mwẹ.

Psalm 46:10

Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

Psalm 57:6

Avbe eghian mwẹ rhuẹ ọga yotọ ne iran mu mwẹ, akhiẹ gbe mwẹ fi otọ iran tọn uye ye odẹ ne I la, sokpan, iran tobọ iran kharha yọ.

Ẹksọdọs 11:7

Sokpan vbe ehe ne avbe ivbi Izrẹl ye, ekita i ra gbọ ọmwa ra emwirri rhọkpa vbọ, ne uwa miẹn ehe na rẹn wẹ e Nọyaẹnmwa rhie alughaẹn ye ẹkpo ivbi Igipt kevbe ivbi Izrẹl.’ ”

Ẹksọdọs 15:16

Ohan kevbe orrirri hẹ rhu iran. Iran gualọ ẹtin ruẹn, izegbe zẹ iran zẹ vbe okuta, avbe emwa ruẹn te do gberra, avbe emwa ruẹn ne u dẹe ke ọviẹn ladian.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Emọs 5:9

Rẹn ọ re ọ zẹ ọkhọ rruan iran ni wegbe kevbe emwi ne iran ya khẹ egbe.

Habakọk 2:20

E Nọyaẹnmwa rre uwu Ọgua Osa ẹre nọhuanrẹn, wa gie emwa hia ni rre otọ agbọn gbẹdọ hiii vbe odaro ẹre.

Matiu 11:25

Vbe ẹghẹ ọkpa ni, Jesu keghi kha wẹẹ, “Evbavba Nọyaẹnmwa ẹrinmwi kevbe agbọn, I kpọnmwẹ ọn rhunmwuda, emwi ne uwẹ rhie lẹre ne iran ne umẹwaẹn kevbe ni rẹn emwi, u keghi rhie ẹre ma iran ni ma rẹn emwirhọkpa.

Matiu 21:16

Iran tama Jesu wẹẹ, “Wẹ họn ẹmwẹ ne iran ta yi?” Jesu wanniẹn tama iran wẹẹ, “I wa họn ẹsẹse. Wa ma he tie ebe ne ọ khare wẹẹ, ‘Wa ma ibiẹka kevbe emobọ ẹmwẹ urhomwẹ ne ọ gbae.’ ”

Iyẹn ne ọ Maan Ọghe Luk 10:21

Ẹghẹ ni ọre Jesu na vuọn ne oghọghọ vbekpa Orhiọn Ne ọ huanrẹn, ọ wẹẹ, “Evbavba Nọyan ẹrinmwi kevbe agbọn, I kpọnmwẹ ọn rhunmwuda, emwi ne u mu lẹre ne iran ni rẹn emwi, ọre u do mu ma iran ni ma rẹn emwi rhọkpa na. Ekhọe obọ ruẹ Ọre u ya ru ẹe vbe ne ọ yẹ ruẹ.

I Kọrinti 1:27

Sokpan te Osanobua wa yan ru ẹe wẹ, ne irẹn hannọ emwi ne agbọn tie ẹre akpa, ne ọ miẹn ehe na ya ekhue mu avbe umẹwaẹn.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.