Psalm 8:1 - Edo Bible (E Baibol Ẹdo) Version 1996

¹ E Nọyaẹnmwa, Nọyaẹnmwa, a bẹghe u kpọlọ mwẹ ruẹn vbe otọ agbọn hia. Urhomwẹ ruẹn vbe sẹ aro iso.

Psalm 8:1 ပူးပေါင်းရင်းမြစ်များ

I Ọba 8:27

“Sokpan, Osanobua gha gele sẹtin yin agbọn na ra? Vbene ẹrinmwi hia sẹe nii, ẹ i gua a, vbe Ọgua Osa ne imẹ bọe ghi ra gua a hẹ?

Psalm 145:1

I gha ta ọta ukpọlọmwẹ ruẹn, Osanobua mwẹ kevbe ọba mwẹ, I gha kpọnmwẹ uwẹ ẹdẹ kevbe ẹdẹdẹmwẹdẹ.

Psalm 148:13

Gie iran hia rho eni e Nọyaẹnmwa! Eni ẹnrẹn kpọlọ sẹ nekpa hia fẹẹrẹ; uyi ẹre yosẹ agbọn kevbe ẹrinmwi.

Psalm 36:5

Nọyaẹnmwa, ahoẹmwọmwa ruẹn ne ẹ i beghe sẹ ẹrinmwi. A gia mu ẹtin yan ọwuẹ sẹ aro iso.

Psalm 57:5

Osanobua, rhie ukpọlọmwẹ ruẹn ma vbe iso kevbe uyi ruẹ yan otọ agbọn hia.

Psalm 63:1

Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

Psalm 68:4

Wa so ihuan ghe Osanobua wa so ihuan urhomwẹ ghe eni ẹnrẹn, wa zẹ odẹ nẹ ọmwa ne ọ hin okuku amẹ khian. Nọyaẹnmwa ọ re a tie ẹre, wa gha sẹ ọyẹnmwẹ vbe eni ẹnrẹn.

Psalm 8:9

E Nọyaẹnmwa, Nọyaẹnmwa, a bẹghe u kpọlọ mwẹ ruẹn la otọ agbọn hia.

Psalm 81:1

Wa we uwemwẹ oghọghọ ne Nọyaẹnmwa ọmwa ne ọ gbinna ne ima, wa so ihuan urhomwẹ ghe Osanobua Jekọb.

Psalm 84:1

A miẹn vbe Ọgua Osa ruẹ yẹ mwẹ hẹ Osa ne Oghodua!

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ihuan Ne Ọ Sọọ Ihuan Hia 5:16

Unu ẹnrẹn rhiẹnrhiẹn ne a mu hiẹnhiẹn emwi ẹnrẹn hia ye gbe sasa mwẹ erriọ enida mwẹ khọe ikhuo e Jerusalẹm.

Aizaia 26:13

E Nọyaẹnmwa Osanobua mwa, emwa ọvbehe wa gha kha yan mwa, sokpan, wẹ okpa kẹkan ọrọre Nọyaẹnmwa.

Habakọk 3:3

Osanobua dọlegbe ke Idọm dee, Osanobua ke oke Paran nọhuanrẹn dee. Ose ẹre gba ẹrinmwi fo, agbọn kevbe vuọn ne urhomwẹ ọnrẹn.

Matiu 22:45

Deghẹ Devid tie ẹre ‘Nọyaẹnmwẹ,’ vbe nene Mẹzaia ghi na vbe re uniẹn ọnrẹn hẹẹ?”

Iyẹn ne ọ Maan Ọghe Jọn 20:28

Tọmọs wanniẹn tama rẹn wẹẹ, “Nọyaẹnmwẹ kevbe Osanobua mwẹ!”

Ẹfisọs 4:10

Ọnii nọ wẹ, ọmwa ne ọ tuorre, ọre ọ vbe hin odukhunmwu vbe odukhunmwu kevbe gberra avbe, ẹrinmwi ne ọ miẹn ehe na ya aguọmwarrọ ọghọe vuọn agbọn kevbe ẹrinmwi.

Diuteronomi 28:58

“Wa ya ẹkoata gha lele emwi ne Osanobua ma uwa ẹre ne a gbẹnnẹ ye uwu ebe na, ne uwa vbe gha ya ọghọ ne eni ọyunnuan kevbe ne ọ mu ohan ọghe Nọyaẹnmwa Osanobua rua.

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

Arhie Maan 19:6

I keghi họn emwi ne ọ ye vbe urhu emwa ni bun ẹsẹse ọ ye vbe uvanmwẹ okpamẹ ne ọ rhọ ke okuta ne ọ yo ku otọ, ọ ye vbe ne avan vannọ yan egbe. I keghi họn vbe iran khare wẹẹ, “Wa rho Osanobua! Rhunmwuda e Nọyaẹnmwa Osanobua ne Oghodua ọrọre Ọba!