Psalm 79:6 - Edo Bible (E Baibol Ẹdo) Version 1996

⁶ Werriẹ aro ohu ruẹ da avbe uhunmwu ẹvbo ni i ga a, ghe avbe emwa ni i na erhunmwu ghe ruẹ.

Psalm 79:6 ပူးပေါင်းရင်းမြစ်များ

Psalm 14:4

E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ne a ye ra? Emwa mwẹ ọ re iran rha ya koko egbe iran. Iran i vbe na erhunmwu gha mwẹ.”

Psalm 145:18

Ọ sikẹ iran ni kpe tie ẹre, iran ni ya ẹko ata kpe tie ẹre.

Psalm 53:4

Osanobua keghi nọọn wẹẹ, “Iran ma rẹn ra? Iran ni ru emwi dan na ma rẹn ne a ye ra? Emwi ne iran do emwa mwẹ re hẹ ọ re iran ya koko egbe, iran i vbe na erhunmwu ghe mwẹ.”

Psalm 69:24

Hihiẹ ohu ruẹ yan iran, gie obọ izohu ruẹ vba iran.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Jerimaia 10:25

Mu ohu ruẹ aro da, avbe uhunmwu ẹvbo ni ma ga a, kevbe avbe emwa ni he uwẹ yotọ. Iran gbele avbe emwa ruẹn uan iran fuẹn ima an fẹẹrẹ, iran keghi ye ẹvbo ima khian itowa.

Jerimaia 25:29

Ẹvbo mwẹ ọ re I ra na suẹn iwinna ọ dunmwu an nii. Te iran ro wẹ iran gha lẹ ọre fe vbe ne a i na rri iran oya ra? Hiehiere, te a ra rri iran oya rhunmwuda, te I ra gie okuo gie emwa hia ni rre agbọn. Mẹ ne Nọyaẹnmwa ne Oghodua tae nẹ.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Iyẹn ne ọ Maan Ọghe Jọn 17:25

Erha ne ẹ i bu eku, agbọn na ma rẹn ruẹn, sokpan mẹ rẹn ruẹn, iran na vbe rẹn ighẹ, wẹ ọre ọ gele gie mwẹ.

Iwinna 17:23

Rhunmwuda, ẹghẹ ne I na gha khian lele ẹvbo uwa khian, ne I na gha ghe ehe ne uwa na ga hia, I keghi vbe miẹn Ogiukpo ne uwa gbẹn yi wẹẹ, ‘Ọ ghe Osanobua Ne a Ma rẹn!’ Emwi nii ne uwa ga, egbe ne uwa ma rhe ya rẹn ọnrẹn, ọre I do ta ẹmwẹ ọnrẹn ma uwa na.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.