Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Psalm 79:1 - Edo Bible (E Baibol Ẹdo) Version 1996

1 Osanobua. avbe nigẹbọ mu okuo la otọe ruẹ, iran mu awua la Ọgua Osa ruẹ nọhuanrẹn iran keghi rẹnkhẹn Jerusalẹm sẹ otọ.

အခန်းကိုကြည့်ပါ။ ကော်ပီ




Psalm 79:1
25 ပူးပေါင်းရင်းမြစ်များ  

Ọ na viọ emwi ẹfe hia ni rre Ọgua Osa kevbe ni rre ẹguae, avbe ọkpan igoru ne Solomọn ne ọba ru ne a ya gha ru emwi vbe Ọgua Osa.


Rhunmwuda ọnii, e Nọyaẹnmwa keghi gie ọba e Babilọn ne ọ mu okuọ gie iran. Ọba nii keghi gbele avbe igbama ni rre Juda, uhin ighẹ te ọ gbele iran vbe uwu Ọgua Osa, ọ ma vbe tohan ọmwa rhọkpa, ibiẹka kevbe ni khian ọmaẹn, ikpia kevbe ikhuo iran ne egbe rranrẹn kevbe iran nikhuọnmwi, Osanobua keghi wa filo iran hia ku ẹre obọ.


Ọ keghi giẹn Ọgua Osa kevbe ẹvbo ni sẹ otọ.


Osa ne Oghodua e Nọyaẹnmwa, guan rẹn ọ da tie otọ agbọn ke ahọ yasẹ orrie.


Ehe ne ọ na su avbe ohuan rẹn, ọ ke ya ẹe rri ọba Izrẹl. Ọmwa ne ọ su ohuan emwa Osanobua.


U viọ iran rre, u keghi gbe iran ẹkun sẹ otọ ye uhunmwu oke. vbe ehe ne u zẹe ya ru owa ruẹ Nọyaẹnmwa. ọgua Osa ne u tobọ ruẹ bọ Nọyaẹnmwa.


Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.


Avbe eghian khulo ima ne emwa ruẹn nihuanrẹn kua vbe ovbi ẹghẹ kherhe. Iran kegha gbe ukpukpẹ vbe ehe nọhuanrẹn ruẹn.


“Ẹghẹ ne Hẹzekaia na gha re ọba e Juda, e Maika ne akhasẹ ne ovbi ẹvbo ne a tie ẹre Morẹsiẹt keghi tama emwa hia wẹ Nọyaẹnmwa ne Oghodua khare wẹẹ, “ ‘A gha gua vbe e Zaiọn zẹ vbe ugbo E Jerusalẹm gha khian ne itowa na degbe itowa oke ni ne Ọgua Osa ye gha khian ẹgbo.’


Vbe uwu ẹghẹ na, ivbi Babilọn keghi giẹẹn ẹguae ọba sotọ ke ẹe kevbe owa avbe emwa nii, iran keghi vbe guọghọ ekẹn ne a gbe lẹga e Jerusalẹm kua.


Wa khare wẹ, a fa ima an nẹ, a keghi gie ekhue mu mwa, egbe wa wọọ mwa yotọ rhunmwuda, avbe orhunmwuyẹn mu nọ avbe ehe nọhuanrẹn vbe Ọgua Osa ya khian ọghe iran.


Ọ keghi giẹẹn Ọgua Osa sẹ otọ deba owa emwa ni hin usi hia ni rre Jerusalẹm.


Avbe eghian do ẹre emwi ne ọ mwẹ hia viọ. Rẹn ye aro ẹre bẹghe iran vbe iran lao uwu Ọgua Osa tobọ ẹre; ehe ne Nọyaẹnmwa wẹ ne emwa ne ẹ i re Ju ghẹ lao.


Osanobua keghi khama rẹn wẹẹ, “Ru Ọgua Osa awua. ya ikun orinmwi vuọn ore ẹre hia. De yan iwinna gha winna.” Ẹre iran na suẹn gha gbele emwa ni rre ẹvbo nii.


Rhunmwuda ọnii nian, a gha rhunmwuda uwa ya e Zaiọn khian otọe ne a ya mu ugbo. E Jerusalẹm gha khian utete itowa, oke ne a bọ Ọgua Osa yi gha khian ẹgbo.


A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.


Sokpan ghẹ ka iran ni rre iba ore yọ. Ghẹ mwa iran, rhunmwuda, a zẹ iran obọ ne iran ni ma yayi nẹ, iran ni gha do gbe ọgọlọbọ vbe uwu Ẹvbo Ne Ọ Huanrẹn la uki eva yan iyeva.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ