Psalm 78:71 - Edo Bible (E Baibol Ẹdo) Version 1996

⁷¹ Ehe ne ọ na su avbe ohuan rẹn, ọ ke ya ẹe rri ọba Izrẹl. Ọmwa ne ọ su ohuan emwa Osanobua.

Psalm 78:71 ပူးပေါင်းရင်းမြစ်များ

Gẹnẹsis 33:13

E Jekọb keghi wanniẹn wẹẹ, “Ẹn, u rẹnrẹn ighẹ avbe ibiẹka ma wegbe, ke avbe ohuan, ẹmila kevbe ivbi iran negiẹrẹ rre evba. A gha tua iran okhian gbe ehia gha wulo fo.

II Samuẹl 20:19

Okpẹvbo ọ re ẹvbo ima khin, ọkpa vbe uwu ẹvbo ne ọfumwegbe ye sẹ kevbe ne ọ ye ekhọe ga vbe Izrẹl. Vbọzẹ ne u na ho ne u fuẹn ọnrẹn yi? Te u ho ne u mu emwi ne ọ re ọghe Osanobua rhia ra?”

II Samuẹl 24:17

E Devid keghi bẹghe odibo Osa ne ọ gbele emwa nii, ọ keghi tama e Nọyaẹnmwa wẹẹ, “Mẹ ọrọre ọmwa ne ọ rri abe, mẹ ọ re ọ ba emwi ku ru. De emwi ne ivbi ẹrrẹe na ru? Rri imẹ vbe ẹgbẹe mwẹ oya.”

II Samuẹl 5:2

Ẹghẹ ne ọ gberra, vbe Sọl he re ọba ima, wẹ ọ re ọ gha viọ ivbi Izrẹl yo okuo, e Nọyaẹnmwa keghi vbe tama ruẹn wẹẹ, ‘U gha su emwa mwẹ, u ghi vbe gha re ne ọ khaemwisẹ yan iran.’ ”

II Samuẹl 7:8

Rhunmwuda ọnii, ya tama Devid ne ọguọmwadia mwẹ wẹẹ, “Mẹ ne Nọyaẹnmwa ne Oghodua ọ re ọ tama rẹn wẹẹ, ‘I rhie ruẹ ke ehe ne u na su ohuan vbe uwu oha ladian ne u do su ivbi Izrẹl ne emwa mwẹ.

I Krọnikol 11:2

Vbe ẹghẹ ne ọ gberra, uhin vbe Sọl he ye re ọba ima, wẹ ọ re ọ gha viọ ivbi Izrẹl ye okuo, e Nọyaẹnmwa Osanobua ruẹ keghi yan tama ruẹn wẹ u gha su emwa na, u ghi gha re ogie iran.”

Psalm 28:9

Miẹn emwa ruẹn fan Nọyaẹnmwa ne u vbe fiangbe emwa ni re ọwuẹ. Gha re ọsuohuan iran, ne u vbe gha gbearoghe iran ẹdẹdẹmwẹdẹ.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Matiu 2:6

“ ‘Bẹtlẹhẹm ne ọ rre Judia, wẹ i re ne ọ kanmwa sẹ, vbe ẹbu ẹvbo iriegie Judia Rhunmwuda, odọ ọwuẹ ọre ọkaolotu gha ke ladian rre ne ọ do ru arọndẹ ne Izrẹl, emwa mwẹ.’ ”

I Pita 5:2

Wa gha re Ọsuohuan avbe oghẹn ohuan ne Osanobua viọ ne uwa, wa gha ye aho ne ọ ke uwu ekhọe rre gbe aro ghe iran, vbene Osanobua ho ne uwa gha ru ẹe, ẹ i re ne a gbe omaro omaro ru. U ghi gha winna iwinna ruẹn, ẹ i re rhunmwuda ne a miẹn ehe na ha ruẹ osa kẹkan, sokpan aho ne a winna ne ọ ke ekhọe rre.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.