Psalm 78:63 - Edo Bible (E Baibol Ẹdo) Version 1996

⁶³ A gbele avbe igbama vbe okuo avbe uvbi ma ghi miẹn ọdọ rọnmwẹ.

Psalm 78:63 ပူးပေါင်းရင်းမြစ်များ

Psalm 78:21

Rhunmwuda ọnii, ohu keghi mu e Nọyaẹnmwa, vbe ọ họn ẹmwẹ ne iran ta, ọ keghi ya erhẹn gu emwa irẹn gbinna, ohu iran keghi kakabọ mu ẹẹn.

Aizaia 4:1

Ọ gha ghi sẹ ẹghẹ ne a kha na, ikhuo ihinrọn gha de obọ mu okpia ọkpa, iran ghi kha wẹẹ, “Ma gha sẹtin koko egbe mwa, ma gha vbe sẹtin de ukpọn ye egbe mwa ẹkun, sokpan gie ima gha kha ighe wẹ ọrọre ọdafẹn ima, ne a ban ukpọn efaa ọghe okhuo ne ẹ i mwẹ ọdọ hin ima ẹkun rre.”

Jerimaia 16:9

Danmwehọ ẹmwẹ ne I ra ta, mẹ ne Nọyaẹnmwa ne Oghodua, ne Osanobua Izrẹl. I gha dobọ urhu oghọghọ yi kevbe ọghe ọyẹnmwẹ, kevbe urhu oghọghọ evbare irhiọha. Emwa ni rre emwana gha rre agbọn ne aro iran sẹ ọe vbe emwi na a sunu.

Jerimaia 25:10

I gha dobọ uwemwẹ oghọghọ kevbe ọyẹnmwẹ iran yi, kevbe uwemwẹ oghọghọ ọghe evbare irhiọha, iran i ghi miẹn ofigbọn sa ye ukpa iran, ọka i ghi ra vbe gha rrọọ.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Diuteronomi 29:20

Nọyaẹnmwa i ra yabọ ọmwa vberriọ. Sokpan, izohu ne ọ tọn ọghe Nọyaẹnmwa gha baa yan rẹn, ọkhọ hia ne a gbẹnnẹ ye ebe na ghi rruan rẹn rhinrin e Nọyaẹnmwa te fuẹn iran hin otọe agbọn na rre.

Diuteronomi 32:22

Ohu mwẹ gha ba ghe odukhunmwu vbe erhẹn ọ ghi giẹn emwi hia ni rre agbọn uan. Ọ ghi sẹ agbọn ne ọ rre uwu otọ, ọ ghi giẹn inian ọghe avbe oke ua.