Psalm 78:55 - Edo Bible (E Baibol Ẹdo) Version 1996

⁵⁵ Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Psalm 78:55 ပူးပေါင်းရင်းမြစ်များ

Psalm 44:2

Vbene u tobọọ khulo avbe nigẹbọ ladian hẹ u na gbe avbe emwa ruẹn ẹkun sotọ ye otọe iran. vbene u rri avbe agbọn ẹvbo nekpa oya hẹ. u na gie agbọn ma iran ne emwa ruẹn.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Aizaia 34:17

E Nọyaẹnmwa ọ re ọ ra tobọ ẹre gha otọe nii ne iran, ọ ghi mu ọghe edọmwadẹ ọghọe ne ẹẹn. Iran ghi gha rre otọe nii ke orre ya sẹ orre, ọ ghi vbe gha re ọghe iran ẹdẹdẹmwẹdẹ.

Nọmbas 33:54

Wa ghi ghae otọe nii gba dọmwadẹ ẹwae kevbe uniẹn ni rrọọ obọ, a ghi mu ne ọkpọlọ ne ẹwae ne ọkpọlọ, kevbe ne kherhe ne ẹwae ne kherhe.

Jọsua 13:7

Banbanna nian, gha otọe na ne avbe ẹwae ihinrin nii, kevbe obọkpa vbe ẹwae Manasẹ, ne iran viọ ya khian ọghe iran.”

Jọsua 19:51

Emwa ni ghae otọe na kegha re Eliaza ne ohẹn, e Jọsua ne ovbi e Nọn kevbe avbe eniwanrẹn ivbi Izrẹl, iran na ọ re ọ yan uta ya ghae otọe nii vbe Silo vbe ne iran na ka nọ ọn e Nọyaẹnmwa nẹ vbe onurho Owa Ukpọn e Nọyaẹnmwa. Erriọ iran ya ghae otọe nii fo.

Jọsua 21:43

Erriọ ọre Nọyaẹnmwa na mu ne ivbi Izrẹl otọe ni ne irẹn wa yan ma avbe erha iran odede wẹ rẹn gha mu ne iran. Iran mu otọe nii, iran na yin evba.

Jọsua 23:4

Wa danmwehọ, I ghae avbe ẹvbo ni ghi dekẹe ne avbe ẹwae uwa nẹ ne ọ gha re ọghe uwa, erriọ vbe nọ ne avbe ẹvbo ne I munọ ẹn ke Ẹzẹ Jọdan vbe odẹ ahọ kpao ya sẹ Okun Meditẹrrenian vbe odẹ orrie.