Psalm 78:51 - Edo Bible (E Baibol Ẹdo) Version 1996

⁵¹ Ọ gbele avbe emọdiọn, vbe ẹgbẹe ni rre Igipt hia.

Psalm 78:51 ပူးပေါင်းရင်းမြစ်များ

Gẹnẹsis 10:6

Ivbie Ham kegha re Kus, Igipt, Libya kevbe Kenan, iran ọrọre erha odede avbe iran ne a he ẹre eni gie iran.

Gẹnẹsis 49:3

“E Riubẹn ovbi mwẹ nọdiọn, wẹ ọrọre ẹtin mwẹ, ke ọmọ okaro ne I biẹe zẹ vbe ẹghele, ne ọ zọmọ sẹẹ, kevbe ne ọ wegbe sẹẹ vbe uwu avbe ivbi mwẹ nikpia.

Psalm 105:23

Ẹre Jekọb na gha rriẹ Igipt, ọ na ya yin ẹvbo ni.

Psalm 105:27

Iran winna iwinna nọkhua ọghe Osanobua, iran keghi vbe winna iwinna ọyunnuan vbe Igipt.

Psalm 105:36

Ọ gbele emọ ikpia ni re emọdiọn, ọghe ẹgbẹe ni rre otọe Igipt hia.

Psalm 106:22

U miẹn emwi ọyunnuan ne ọ ru vbe evba u miẹn emwi ọyunnuan ne ọ ru vbe Okun ne Nọbaa.

Psalm 135:8

Ọ gbele emọdiọn ni rre Igipt hia, ọghe emwa nagbọn kevbe ọghe avbe aranmwẹ.

Psalm 136:10

Ọ gbele emọdiọn ọghe ivbi Igipt, etẹbitẹ ọ re ahoẹmwọmwa rẹn khin.

Ẹksọdọs 12:12

“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.

Ẹksọdọs 13:15

Ugbẹn vbe ọba Igipt ghi yin ehọ, vbene ọ ma na gie ima kpao, ọre Nọyaẹnmwa na gbele emọ ọdiọn nii re ikpia nii rre otọ Igipt hia, ọghe emwa nagbọn kevbe ọghe emwirri. Ọ nii ọ si ẹe ne ima na ya emọdiọn nii re ọwọe zọ ese ghe Nọyaẹnmwa sokpan a ghi dẹlẹ ivbi mwa nikpia ne ọdiọn werriegbe.

Hibru 11:28

Iyayi ọre ọ ya mu emwiukpo Alagberra gbọọ, ọ na wẹ ne a sanmwẹ esagiẹn ye onurho ne ogiuwu ghẹ gbele emọ ọdiọn ọghe Izrẹl.