Psalm 78:49 - Edo Bible (E Baibol Ẹdo) Version 1996

⁴⁹ Ọ si akhiẹ nọkhua ye iran egbe vbekpa ne ọ na hihiẹ ohu kevbe okuosu ẹre yan iran, ne ọ wa bu iran rre zẹvbe emwa, ne uwu gie ẹre uhunmwu rre.

Psalm 78:49 ပူးပေါင်းရင်းမြစ်များ

II Samuẹl 24:16

Ugbẹn vbe odibo e Nọyaẹnmwa ghi te ra fuẹn Jerusalẹm rua, e Nọyaẹnmwa keghi fi ekhọe werriẹ vbe oya ne ọ te rhie emwa ni re, ọ keghi tama odibo Osa nii ne ọ te gbele iran wẹẹ, “Dobọyi! Ọnii sẹe!” Ehe ne odibo Osa nii gha ye keghi re isi okọ ọghe Arauna ne ovbi e Jebus.

Job 1:12

E Nọyaẹnmwa keghi tama Esu wẹẹ, “Ọ maa khekherriọ. A viọ emwi hia ne ọ mwẹ yuẹ obọ, sokpan, ghẹ kuan irẹn tobọ ọre.” Ọre Esu na kpao.

Job 20:23

A giee rri emwi ne ọ ho hia, Osanobua gha ya ohu kevbe okuosu rri ẹre oya.

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Ẹksọdọs 12:13

Esagiẹn ni rre onurho ọre ọ gha re ama ne a gha ya gha rẹn owa ne uwa ye, I gha bẹghe esagiẹn, I ghi rhie gberra evba, ọfuan ne irria ikhi na mu khian, i ra sẹ uwa egbe vbe ẹghẹ ne I gha na fi ivbi Igipt emwi.

Ẹksọdọs 15:7

Vbe uwe akhọnmiotọ ruẹ nọkhua u rrua iran ne eghian ruẹn gbe otọ izohu ruẹ baa ladian, ọ keghi giẹn iran an zẹ vbe irunmwu ni ka ẹe.

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Eve Orriara 4:11

E Nọyaẹnmwa keghi wa tue izohu ẹre ne ọ wegbe ladian; ọ keghi hie erhẹn ye Zaiọn, ne ọ wa gien ọnrẹn sotọ.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.