Psalm 78:40 - Edo Bible (E Baibol Ẹdo) Version 1996

⁴⁰ Kugba kẹghẹrẹ ọ re iran ya gha sọtẹ ghe ẹre vbe uwu ato, kugba kẹghẹrẹ ọ re iran ya gha rhia ẹre ẹko rua.

Psalm 78:40 ပူးပေါင်းရင်းမြစ်များ

Psalm 107:11

rhunmwuda ighe iran de iyi, ọghe Osanobua ne Udazi, iran keghi vbe mu odẹ ne ọ gie ma iran fua.

Psalm 78:17

Sokpan, iran keghi ye gha ru orukhọ ghe Osanobua iran keghi sọtẹ ghe Ne ọ yo sẹẹ Ehia vbe ato.

Psalm 78:8

Iran i ra yevbe avbe erha iran odede emwa ni sọtẹ kevbe ni zẹ utun vbe ehọ ni ma mu ẹtin yan Osanobua ẹse, kevbe ni ma vbe guobọ ẹre.

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Aizaia 7:13

Ẹre Aizaia ghi na wanniẹn wẹẹ, “Banbanna nian, danmwehọ, wa ne ivbi uniẹn e Devid. Emwi dan wa nọ ne uwa gha ya emwi wọ emwa nagbọn egbe, te uwa ghi ra vbe yae wọ Osanobua egbe ra?

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Ẹfisọs 4:30

Ghẹ rhia Orhiọn Ne Ọ Huanrẹn ọghe Osanobua ekhọe rua, rhunmwuda nene Orhiọn ọrọre ama ọghe mẹ ọ yan rẹn, ne Osanobua yi ye uẹ egbe, ama ne aro ya dae wẹ, ẹdẹ dee ne Osanobua gha faan ye otọ.

Diuteronomi 9:7

“Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.