Psalm 78:22 - Edo Bible (E Baibol Ẹdo) Version 1996

²² Rhunmwuda, iran ma mu ẹtin yan rẹn iran ma vbe yayi ighẹ ọ gha miẹn iran fan.

Psalm 78:22 ပူးပေါင်းရင်းမြစ်များ

II Ọba 17:14

Sokpan, iran ma họn ẹmwẹ ne ọ tama iran, iran na vbe gha yin uyinmwẹ dan ne erha iran vbe yin ne iran ma na ya e Nọyaẹnmwa ne Osanobua iran yi.

Psalm 106:24

Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Aizaia 7:9

Izrẹl ma wegbe sẹ e Sameria, e Sameria ma vbe wegbe sẹ e Pẹka ne Ọba. “Adeghẹ iyayi ruẹ ma wegbe, egbe ruẹ i ra rrọ ẹre.”

Zẹfanaia 3:2

Ọ ma danmwehọ e Nọyaẹnmwa ra ne ọ vbe rhan obọ miẹn emwi a rẹn enegbe ne ọ ma ẹre re. Ọ ma mu ẹtin ẹnrẹn yan e Nọyaẹnmwa ra ne ọ nọ ẹre iyobọ.

Diuteronomi 1:32

Sokpan egbe ne I ya talọ ẹmwẹ na hia, wa ma ye mu ẹtin yan Nọyaẹnmwa.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

I Jọn 5:10

Rhunmwuda ọnii, ọmwaikọmwa ne ọ ya Ovbi Osanobua yi, mwẹ osẹe na vbe uwu ekhọe ẹre. Sokpan ọmwaikọmwa ne ọ ma ya Osanobua yi, ya ẹe khian ọhọn ohoghe nẹ, rhunmwuda osẹe ne Osanobua sẹe vbe ekpa Ovbi ẹre ọ ma yae yi.

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.