Psalm 77:9 - Edo Bible (E Baibol Ẹdo) Version 1996

⁹ Te Osanobua ghi mianmian ne ọ gha tohan ọmwa ra? Te ohu ghi rhie ihe itohan rẹn ra?”

Psalm 77:9 ပူးပေါင်းရင်းမြစ်များ

Psalm 25:6

E Nọyaẹnmwa, ye rre, itohan kevbe aho ẹmwẹ ọmwa ruẹn ne ẹi beghe, ne uwẹ rhie maa ke ẹkpo nii gha dee.

Psalm 40:11

Nọyaẹnmwa, mẹ rẹnrẹn ighe wẹ i ra dobọ itohan ruẹn ghe mwẹ yi. Ahoẹmwọmwa kevbe aguobọmwa ọwuẹ, ọ re ọ khian rhie mwẹ lẹre vbe ne ai na mwẹ ẹbe.

Psalm 51:1

Tohan mwẹ Osanobua rhunmwuda ahoẹmwọmwa ruẹn ne ẹ i beghe rhunmwuda itohan ruẹn ne ọ kpolo khiẹn orukhọ mwẹ nibun hin rre.

Aizaia 40:27

Vbọzẹ ne u na ghi zuyọn yi Izrẹl wẹ e Nọyaẹnmwa ma rẹn ọlọghọmwa ruẹn ra ne ọ kue zẹyọ vbe a gha ruẹ khọ?

Aizaia 63:15

E Nọyaẹnmwa, gbearoghe odẹ ne ima ye ke ẹrinmwi gha dee, ehe ne uwẹ ye vbe uwu uhuanmwẹ kevbe uyi ruẹ. Ẹnina nọkhua ne u mwẹ ghe ima vboo? Ẹtin ruẹn vbo? Ahoẹmwọmwa kevbe itohan ruẹn vbo? Ghẹ yangbe mwa.

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Ebe ne Pọl gbẹẹn gie emwa Rom 11:32

Rhunmwuda te Osanobua ya emwa hia khian oghunmwu iyin ehọ ne ọ miẹn ehe na tohan emwa hia.

I Jọn 3:17

Adeghẹ ọmwa re ọmwa ne ọ fe, ọ keghi miẹn wẹ ọtiọnrẹn rre uwu a i mwẹ, sevba ekhọe ẹre keghi ye rri ghe ọtiọnrẹn, vbe ọ gha na sẹtin kha hẹ yi wẹ, aho ẹmwẹ ọmwa Osanobua rre uwu ekhọe ẹre?