Psalm 77:6 - Edo Bible (E Baibol Ẹdo) Version 1996

⁶ I ye asọn ni ro iro ne ọ dinmwi, ugbẹn vbe I rria ẹre vbe ekhọe mwẹ I keghi nọ egbe mwẹ wẹẹ,

Psalm 77:6 ပူးပေါင်းရင်းမြစ်များ

Job 10:2

Osanobua, ghẹ bu abe gbe mwẹ, tama mwẹ, de ẹzọ ne u gunmwẹ gui yi.

Job 35:10

Sokpan, iran i bu Osanobua ne ayi ne ọ yi iran gha khian. Ọmwa ne ọ rhie idaehọ ne iran vbe ẹghẹ iran ne ọ so ebiebi sẹ.

Psalm 143:4

Rhunmwuda ọnii, te I ghi ra zẹ ukpọn obọ, egbe emwi hia wa wọ mwẹ fẹẹrẹ.

Psalm 143:5

I ye avbe ẹdẹ ni gberra rre, mẹ vbe roro avbe emwi hia ne u he ru, I ye iwinna ruẹn hia rre.

Psalm 4:4

Wa gha guọ ne ohan, ne uwa dobọ orukhọ ne a ru yi. Wa kakabọ mu ọna ro, vbe uwa hẹko lovbiẹ ye ukpo uwa.

Psalm 42:8

E Nọyaẹnmwa, ne ọ gie aho ẹmwẹ ọmwa rẹn ne ẹ i beghe rhie egbe maa vbe ẹghẹ avan. Ne i miẹn ehe ne miẹn ihuan so vbe asọn, erhunmwu ghe Osanobua ẹdagbọn mwẹ.

Asan-Ibo 1:16

I keghi tama egbe mwẹ wẹẹ, “I khian okpọmwa nẹ, I vbe mwẹ ẹwaẹn sẹ ọmwaikọmwa ne ọ he ka rriọba khẹ mwẹ vbe Jerusalẹm. I rẹn emwi ne ẹwaẹn kevbe irẹnmwi wa khian.”

Eve Orriara 3:40

Wa gie ima ghe vbene ima yin hẹ, ne a fiwerriẹ bu e Nọyaẹnmwa.

Jona 1:2

Ọ wẹẹ, “Gha rrie Ninevi, okpẹvbo nọkhua nii, ne u ya ta ku ọre, I rẹn vbene emwa rẹn mwẹ ekhọe dan hẹ.”

Iwinna 16:25

Ọ ghi sẹ ogiasọn, Pọl kevbe Sailas kegha so ihuan, iran na gha na erhunmwu ghe Osanobua, avbe oleghan nekpa kegha danmwehọ iran.

Diuteronomi 32:7

“Wa ro ọghe nẹdẹ, ọ ghe ẹghẹ ne ọ kpẹe fua, wa nọ erha uwa ne iran tama uwa emwi ne ọ sunu, wa nọ eniwanrẹn ne iran ta ẹghẹ nẹdẹ ma uwa.