Psalm 77:18 - Edo Bible (E Baibol Ẹdo) Version 1996

¹⁸ Ukhuarhamwẹ avan nukhunmwu ruẹn werriẹ ladian, asan ọghe ayan; keghi viọ asan uwanmwẹ ọnrẹn yan otọ agbọn; otọ agbọn mu rueghe ọ ke gha mian.

Psalm 77:18 ပူးပေါင်းရင်းမြစ်များ

II Samuẹl 22:14

Ẹkpo nii ọ re Nọyaẹnmwa na davan ke iso rre a keghi họn urhu e Ne ọ yo sẹẹ Ehia.

II Samuẹl 22:8

Agbọn mu rueghe, ọ guọ ọe zẹzẹzẹ, ẹyotọ iso vbọ uhe, ọ kegha guẹ, rhunmwuda ohu mu Osanobua.

Psalm 104:7

U gu avbe amẹ gui, iran khirhi lẹ kua, vbe u zọkan gu iran guan.

Psalm 18:14

Ọ fi ifẹnmwẹ ọnrẹn, ọ keghi zagha avbe eghian rẹn kua, ọ na ye awanwan ayan zẹ iran khu.

Psalm 18:15

A keghi gie emwa miẹn ototọ okun nọkhua, a keghi vbe rhie ẹyotọ agbọn maa vbe ẹghẹ ne u na gu avbe eghian ruẹn gui Nọyaẹnmwa. U na van yan iran vbe izohu ruẹ.

Psalm 18:7

Ẹghẹ nii, agbọn keghi mu rueghe, ọ guọe zẹzẹzẹ. Ẹyotọ avbe oke hia kpẹngiẹn ọ kegha mian. Rhunmwuda ighe ohu mu Osanobua.

Psalm 97:4

Ayan rẹn waan yan agbọn; agbọn miẹn ọẹn ọ kegha guọ.

Ẹksọdọs 19:16

Vbe owiẹ vbe ikpẹdẹ ne ogieha, avan ne ukhunmwu kevbe ayan kegha wannọ vbe uhunmwu oke, okuku ne ọ mwẹ imi, kevbe urhu okpe ne ọ la ẹsẹse. Emwa ni rre agọ hia kegha guọ zẹzẹzẹ ne ohan.

Ẹksọdọs 19:18

Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Habakọk 3:4

Ọ dee ke ẹe kevbe awanwan ayan, ayan yan ladian vbe obọ ẹre, evba nii ọrọre ehe ne a rhie ẹtin ẹnrẹn lẹre yi.

Matiu 27:51

Ẹghẹ nii, ọre ukpọn ne a tan ya fian Ọgua Osa na wa sọ ye iheva ke odukhunmwu do sẹ otọ. Otọe keghi mu rueghe, okuta kegha valọ.

Matiu 28:2

Vbe udomwurri, otọ keghi wa mu rueghe, odibosa Nọyaẹnmwa keghi tuorre ke ẹrinmwi rre, ọ werriẹ okuta ni hin evba, ọ keghi tota yan rẹn.

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.

Arhie Maan 18:1

Vbe iyeke ọnọna, I keghi vbe ya bẹghe odibosa ọvbehe vbe ọ tuorre ke ẹrinmwi dee. Ọ kegha mwẹ asẹ nọkhua, awanwan rẹn keghi gba otọ agbọn hia.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Giọgis 5:4

E Nọyaẹnmwa, ẹghẹ ne u na kpao vbe oke Sẹa vbe u ke iwewe Idọm ladian, otọe rueghe, amẹ keghi rhọ ke iso rre, vbe ẹmwata, amẹ kegha kpe ke ideghedeghe kua.