Psalm 77:13 - Edo Bible (E Baibol Ẹdo) Version 1996

¹³ Emwi hia ne u ru, ni huanrẹn nọ Osanobua, Osanobua ne ọ kpọlọ vba ruẹ i rrọọ.

Psalm 77:13 ပူးပေါင်းရင်းမြစ်များ

Psalm 105:2

So ihuan urhomwẹ ghe Nọyaẹnmwa wa na iyẹn iwinna ọyunnuan ne ọ winna ẹn.

Psalm 119:27

Ru iyobọ mẹ, ne I ya rẹn otọ uhi ruẹ, mẹ gha vbe gha mu emwi ọyunnuan ne u ma mwa re ro.

Psalm 27:4

Emwi ọkpa, ọ re imẹ nọ Nọyaẹnmwa re, emwi ọkpa ni ọ re I vbe ho, ne imẹ gha rre uwu owa e Nọyaẹnmwa ẹdẹdẹmwẹdẹ. Ne I gha ye ọyunnuan ghe iwinna rẹn, ne ọ gha ma mwẹ odẹ.

Psalm 63:2

Gun mwẹ bẹghe ruẹ vbe uwu owa ne ọ huanrẹn nii, gun mwẹ bẹghe vbene u mwẹ ẹtin kevbe uyi hẹ.

Psalm 68:25

Avbe ọsian ke odaro avbe ikpemaba keghi lele iran iyeke avbe ibiẹka ikhuo ni kpe isẹ keghi rre ẹkpo iran.

Psalm 71:19

Osanobua, ẹmwata ruẹ sẹ aro iso. Wẹ winna iwinna ọyunnuan nibun nẹ; ọmwa ne ọ ye vbe uwẹ i rrọ.

Psalm 73:17

Rhinrin mẹ te do gha rriẹ Ọgua Osa ruẹ, I keghi do rẹn emwi ne ọ ra rruan ọmwa dan.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Aizaia 40:18

De ọmwa ne a gha ya gie Osanobua yi? Vbe ọmwa ra ya gie vbene ọ ye hẹ?

Aizaia 40:25

De ọmwa ne a gha sẹtin ya gie Osanobua nọhuanrẹn? Ọmwa ọvbehe rrọ ne ọ yevbe irẹn ra?

Aizaia 46:5

“De ọmwa ne uwa gha ya gie mwẹ yi? Erriọ Nọyaẹnmwa khare. Ọmwa ọvbehe ne ọ yevbe imẹ rrọ ra?

Diuteronomi 32:31

Eghian iran rẹnrẹn ighẹ ẹbọ iran i mwẹ ẹtin, iran i mwẹ ẹtin zẹ vbe Osanobua Izrẹl.