Psalm 77:11 - Edo Bible (E Baibol Ẹdo) Version 1996

¹¹ Te I gha ye iwinna nekhua ne u winna ẹn rre Nọyaẹnmwa I gha ye avbe iwinna ọyunnuan ne u winnaẹn ẹkpo nẹdẹ rre.

Psalm 77:11 ပူးပေါင်းရင်းမြစ်များ

Gẹnẹsis 24:63

Ọ keghi ladian vbe ẹdogbota ne ọ ya rhie ẹhoho vbe ore, ọ na miẹn avbe ekẹtẹkẹtẹ vbe iran dee.

I Krọnikol 16:12

Wa ne ivbi uniẹn Jekọb, ọguọmwadia Osanobua, ivbi uniẹn Izrẹl ne Nọyaẹnmwa hannọ zẹ wa ye iwinna ọyunnuan ne Osanobua winnaẹn rre kevbe ohiẹn ne ọ buru.

Psalm 105:5

Wa ne ivbi uniẹn Ebraham, ọguọmwadia ẹre; wa ne ivbi uniẹn Jekọb, ọmwa ne irẹn hannọ zẹ; wa ye iwinna ọyunnuan ne Osanobua winna ẹn rre, kevbe avbe ohiẹn ne ọ buru.

Psalm 111:4

E Nọyaẹnmwa ma gie ima mianmian avbe iwinna ọyunnuan rẹn, ọ vuọn ne itohan kevbe ẹnina.

Psalm 143:5

I ye avbe ẹdẹ ni gberra rre, mẹ vbe roro avbe emwi hia ne u he ru, I ye iwinna ruẹn hia rre.

Psalm 28:5

Iran i vbe zẹdẹ bẹghe iwinna Nọyaẹnmwa, ra emwi ne irẹn yi rhunmwuda ọnii, ọ gha rri iran oya, ọ ghi vbe fuẹn iran an ẹdẹdẹmwẹdẹ.

Psalm 77:10

Vbe iyeke ọnii I keghi kha wẹẹ, “Ne ọ ghi balọ mwẹ sẹ vbọ ọ re ọna khin wẹẹ, ‘Osanobua i ghi mwẹ ẹtin ọvbehe.’ ”

Psalm 78:11

Iran mianmian emwi ne ọ ru iwinna ọyunnuan ne iran miẹn vbe ọ winnaẹn.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,