Psalm 76:12 - Edo Bible (E Baibol Ẹdo) Version 1996

¹² Osanobua ru ẹe ne emwa gha mu ohan irẹn ọ munọ iran ni tọn egbe mu rriotọ ọ keghi vbe runran avbe ọba nekhua.

Psalm 76:12 ပူးပေါင်းရင်းမြစ်များ

II Krọnikol 32:21

E Nọyaẹnmwa keghi gie odibo Osa, ọ na ya gbele avbe ivbiyokuo kevbe avbe ekaokuo ivbiyokuo Asiria. Ẹre ọgbaisi Asiria na rhie ukpọn efa rhuan werriegbe gha rrie Asiria. Ẹdẹ ọkpa, ọ ghi rre aro ẹbọ ẹre, eso vbe uwu avbe ivbi ẹre ni ikpia keghi ya umozo gbe ẹe rua.

Psalm 2:10

Rhunmwuda ọnii, wa danmwehọ obọ ne a ya sekhae ne uwa na, wa ne ọba, wa vbe ruẹ iruẹmwi na, wa ni khaemwisẹ agbọn na.

Psalm 2:5

Ọ ya ohu ya obọ sekhae ne iran ọ ya okuosu ẹre runran iran.

Psalm 47:2

E Nọyaẹnmwa ne Ne ọ yo sẹẹ Ehia ọmwa ne a mu ohan rẹn nọ; ọba nọkhua ọ re nọ, ọmwa ne ọ khaemwisẹ yan otọ agbọn hia.

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Psalm 68:12

Avbe ọba kevbe iyokuo iran lẹ rriẹ, ikhuo ni rre owa keghi ghae emwi ne obọ vbare vbe okuo.

Psalm 68:35

Wẹ miẹn vbe Osanobua muohan hẹ vbe ọ die owa ẹre nọhuanrẹn Osanobua Izrẹl! Ọ rhie iwegbe kevbe ẹtin ne emwa rẹn! Wa rho e Nọyaẹnmwa!

Aizaia 24:21

Ẹdẹ dee ne Nọyaẹnmwa gha rri avbe ẹtin ni rre odukhunmwu oya deba avbe iran nikhaemwisẹ vbe agbọn.

Levitikọs 23:38

Avbe emwiukpo, te avbe viọre ba ọghe Ẹdẹ ikẹtin, avbe izẹọhẹ keghi vbe re ne a viọ ba izẹ ọhẹ uwa ne a ka ru dee yi, izẹọhẹ ne uwa ya mu eyan sẹ, kevbe izẹ ọhẹ ne ọ ke ekhọe rre ne uwa rhie gie Nọyaẹnmwa.)

Zẹfanaia 3:6

E Nọyaẹnmwa khare wẹẹ, “I ka gbe iyaẹvbo eso ogbefo yi. I dunmwu avbe okpẹvbo iran an, I keghi sẹ ekẹn iran kevbe owa ọkhẹ iran rae ye itowa. Emwa lẹ hin okpẹvbo iran rre, emwa i ghi rre ore iran, orhiọnkpa ma ke ẹe vbọ.

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.

Arhie Maan 6:15

Ẹkpo nii ọre iran ne avbe ọba agbọn, iran ni khaemwisẹ kevbe iran nekhua vbe ivbiyokuo, iran ne ekhaẹmwẹ, iran ni fe, kevbe emwa ọvbehe hia kevbe avbe eviẹn, kevbe iran ni yan egbe iran, iran hia kegha lẹ lao uwu uvun okuta ya gha lẹ re, kevbe ototọ avbe okuta nekhua.