Psalm 75:8 - Edo Bible (E Baibol Ẹdo) Version 1996

⁸ E Nọyaẹnmwa mu ukpu ọkpa mwẹ obọ ọ vuọn ne ayọn nọ wegbe ọghe izohu ẹre, ọ sa ẹe ladian avbe emwa dan keghi dae, iran dae ya sẹ ototọ ukpu fẹẹrẹ.

Psalm 75:8 ပူးပေါင်းရင်းမြစ်များ

Job 21:20

Gie emwa orukhọ ya uhunmwu mu oya iran. Wa giẹ iran miẹn ohu Osanobua ne Udazi vbe egbe iran.

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Psalm 60:3

U gie avbe emwa ruẹn rrioya ẹsẹsẹmwẹse; te ima ghi ye owẹ ba otọ ku khian vbe ọmwa ne ayọn gbe.

Psalm 73:10

Sẹrriọ wẹ emwa Osanobua tobọ ẹre ghi gha bu iran yo. Iran ghi gha zẹgiẹ ya ẹmwẹ iran yi.

Aizaia 5:22

Ọghe uwa fo nẹ! Wa ni re asukpekhae vbe egbe ọgọ ayọn. Emwa ni din kevbe ne ohan i mu vbe ọ gha sẹ egbe ayọn ne a gua.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Jerimaia 25:15

E Nọyaẹnmwa ne Osanobua Izrẹl keghi tama mwẹ wẹẹ, “Ghe ukpu ayọn ne ọ vuọn ne ohu mwẹ vbe emwa na, mu ẹẹn bu avbe uhunmwu ẹvbo ne I giọ bu hia gha khian, ne u ya ne iran da vbọ.

Jerimaia 25:17

Rhunmwuda ọnii, I keghi mu ukpu nii vbe obọ e Nọyaẹnmwa, I keghi mu ẹẹn ne avbe ẹvbo nii ne Nọyaẹnmwa he gie mwẹ, bu hia, I na ya ne iran da vbọ.

Ezikiẹl 23:34

U gha wọn ẹẹn, u ghi si ẹe ka u ghi ye ihianmwẹ ọnrẹn gha vinnọ ewẹn ruẹn.”

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.

I Samuẹl 2:7

Ọ gha si eso kẹ otọ, ọ ghi tọn eso mu.