Psalm 74:9 - Edo Bible (E Baibol Ẹdo) Version 1996

⁹ Avbe emwi iruẹmwi ni huanrẹn hia, ne ima mwẹ fo, akhasẹ ma ghi vbe keẹ, orhiọnkpa ne ọ rẹnrẹn vbene ọna gha kpee sẹ hẹ vbe otọ i rrọ.

Psalm 74:9 ပူးပေါင်းရင်းမြစ်များ

Ẹksọdọs 12:13

Esagiẹn ni rre onurho ọre ọ gha re ama ne a gha ya gha rẹn owa ne uwa ye, I gha bẹghe esagiẹn, I ghi rhie gberra evba, ọfuan ne irria ikhi na mu khian, i ra sẹ uwa egbe vbe ẹghẹ ne I gha na fi ivbi Igipt emwi.

Eve Orriara 2:9

Iku siẹẹn rhu onurho ẹre ginna otọ a dunmwu ogba ni rro rẹnkhẹnrẹnkhẹn. Ke avbe ọha kevbe egbesẹmwegie hia iwe ọ re iran hia ghi ye. A i ghi ma emwa nene Uhi ọvbehe avbe akhasẹ ighi miẹn umian ke ehe ne Nọyaẹnmwa ye rre.

Ezikiẹl 20:12

I keghi ya Ẹdẹ Ikẹtin ne a ya hẹwẹ ru ama ye ile ne ima gba ta, ne ọ gha ye iran rre wẹ te imẹ ne Nọyaẹnmwa ya iran khian nọhuanrẹn.

Ezikiẹl 7:26

Ọkhọ okpa gha lele ọvbehe. Iyẹn dan ghi gha gbe usun rre. Wa gha rinmwian avbe akhasẹ ne iran ta emwi ne iran miẹn. Avbe ohẹn i ghi ra miẹn emwi ma emwa ẹre, avbe eniwanrẹn i ra vbe miẹn ude bu.

Emọs 8:11

“Ẹghẹ dee, ne I gha na gie ukhunmwu la otọe nii, ohan mwẹ ghi gha gbe emwa, sokpan ẹ i re ohanmwẹ evbare, ovbamẹ gha gbe iran, sokpan ẹ i re amẹ, ne a wọn. Ohanmwẹ kevbe ovbamẹ ẹmwẹ ne ọ ke ehe ne Nọyaẹnmwa ye rre gha gbe iran. Mẹ ne Nọyaẹnmwa ne Udazi ọ re ọ taa ẹe.

Maika 3:6

“Wa ne avbe akhasẹ, ẹdẹ uwa rrie dọn ọn, ebi avan ra ro uwa. Rhunmwuda ne uwa na de emwa odẹ, wa i ghi ra miẹn umian akhasẹ ọvbehe, wa i ghi ra dọlegbe sẹtin ta emwi ne ọ gha he sunu ye otọ.”

Maika 3:7

Iran ni ta emwi ni gha he sunu ye otọ, efaa gha rruan iran vbe ọ ma ghi sẹ vberriọ. Emwiekhue gha rruan iran rhunmwuda Osanobua ma ghi zẹ ẹmwẹ wanniẹn iran.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.

Giọgis 6:17

E Gidiọn keghi wanniẹn wẹẹ, “A deghẹ ẹko ruẹ rhiẹnrhiẹn ghe mwẹ, ye emwi zẹ ama ya rhie ma wẹ wẹ ọ re ọ gele gunmwẹ guan.

I Samuẹl 3:1

Ẹghẹ ne ọmọ nii ighẹ Samuẹl na gha ga e Nọyaẹnmwa vbe ototọ Elai. E Nọyaẹnmwa i mobọ gie uhunmwu rre, umian ne ọ rhie ne ọmwa gha miẹn, ma vbe gha kpọ.