Psalm 74:4 - Edo Bible (E Baibol Ẹdo) Version 1996

⁴ Avbe eghian ruẹn ya gbe ọvẹ akhọnmiotọ vbe uwu Ọgua Osa ruẹ. Iran ya mu afiala iran ye evba zẹ vbe ama akhọnmiotọ.

Psalm 74:4 ပူးပေါင်းရင်းမြစ်များ

II Krọnikol 36:17

Rhunmwuda ọnii, e Nọyaẹnmwa keghi gie ọba e Babilọn ne ọ mu okuọ gie iran. Ọba nii keghi gbele avbe igbama ni rre Juda, uhin ighẹ te ọ gbele iran vbe uwu Ọgua Osa, ọ ma vbe tohan ọmwa rhọkpa, ibiẹka kevbe ni khian ọmaẹn, ikpia kevbe ikhuo iran ne egbe rranrẹn kevbe iran nikhuọnmwi, Osanobua keghi wa filo iran hia ku ẹre obọ.

Eve Orriara 2:7

E Nọyaẹnmwa hee Ogiukpo ẹre ọ keghi kpao hin uwu Ọgua Osa ẹre nọhuanrẹn rre. Ọ gie avbe eghian guọghọ ekẹn ọnrẹn sotọ. Iran wee ye akhọnmiotọ iran vbe ehe ne ima na te ya oghọghọ ga yi.

Daniẹl 6:27

Ọ miẹn ọmwa fan, ọ vbe fan ọmwa ye otọ ọ ru emwi vbe ẹrinmwi kevbe agbọn. Ọ miẹn Daniẹl fan ọ ma gie avbe oduma gbe ẹe re.”

Nọmbas 2:2

“Ivbi Izrẹl gha bu agọ, dọmwadẹ ọghe ọe ghi gha mwẹ asa ọghe oka iran kevbe afiala ọghe ẹwae ẹre. A ghi bu agọ nii wa lẹga Owa Ukpọn Ile.

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Iyẹn ne ọ Maan Ọghe Luk 13:1

Ẹghẹ nii, iran eso vbe evba kegha na iyẹn ma Jesu vbene Pailet gbele emwa Galili eso hẹ vbe iran wa zọ ese ghe Osanobua.

Iyẹn ne ọ Maan Ọghe Luk 21:20

“Wa ghẹ ghi miẹn ighẹ ivbiyokuo lẹga Jerusalẹm, wa ghi rẹn ighẹ te a ghi ra dunmwu ẹn ruan.

Arhie Maan 13:6

Rẹn keghi wa suẹn gha kpa unu ghe Osanobua kevbe eni Osa, kevbe ehe ne ọ ye, kevbe ya ba iran ni rre ẹrinmwi.